சண்டக்காரி திரைவிமர்சனம் ரேட்டிங் 2.9/5

சண்டக்காரி

நடிப்பு : விமல், ஸ்ரேயா, கே ஆர் விஜயா,, புன்னகை பூ கீதா, பிரபு, சத்யன், தேவ் கில், ரேகா, உமா பத்மநாபன், கிரேன்மனோகர், மகாநதி சங்கர்

தயாரிப்பு :புன்னகை பூ கீதா, இசை : அம்ரிஷ் ஒளிப்பதிவு :ஆர் பி குருதேவ் இயக்கம் : ஆர் மாதேஷ் பி ஆர் ஓ : சதீஷ் (AIM )

லண்டனில் ஒரு மிகப்பெரிய நிறுவனத்தில் முக்கியமான பொறுப்பில் இருக்கிறார் ஸ்ரேயா.. அவருக்கு உதவியாளராக வந்து சேர்கிறார் திறமையான விமல்..ஸ்ரேயா சண்டைக்காரி திமிரான பொண்ணு என ஊழியர்களே அவரை வெறுக்கும் நிலையில் விமல் அங்கு தாக்கு பிடித்து தன் பணியை செய்து வருகிறார்…ஸ்ரேயாவுக்கு திடீரென்று பாஸ்போர்ட் பிரச்னை ஏற்படுகிறது. இந்தியாவில் வாழ்ந்தால்தான் பாஸ்போர்ட் கிடைக்கும் என்ற சிக்கல் ஏற்படுகிறது இதனால் விமலின் உதவி நாடுகிறார்.. அப்போது விமல் ஒரு நிபந்தனை விதிக்கிறார்…நீங்கள் உதவி செய்தால் நான் செய்வேன் என கண்டிஷன் போடுகிறார்..அவருக்கு உதவுவதற்காக விமல் சம்மதிப்பதுடன் கணவராக நடிக்க வேண்டிய கட்டாயம் ஏற்படுகிறது. இருவரும் ஜோடியாக புறப்பட்டு இந்தியா வருகின்றனர். அதன் பிறகு ஏற்படும் பிரச்சனைகள் எப்படி தீர்கிறது என்பதை கிராமத்தில் குடும்பத்தோடு விமல் ஸ்ரேயா நடத்தும் கலாட்டா காதல் தான் இந்த படத்தின் கிளைமாக்ஸ்.

விமல் தனது தந்தை பிரபுவின் பேச்சை கேட்காமல் அவர் சொல்லும் வார்த்தையை மதிக்காமல், ” நான் சம்பாதித்து தான் சாப்பிடுவேன்” என்று வெளிநாட்டுக்கு செல்வதும் பின்னர் ஸ்ரேயாவை தனது மனைவி என்று சொல்லி வீட்டுக்கு அழைத்து வருவதாக செய்யும் கலாட்டாக்கள் பிரபுவை கோப படுத்துகிறது…தனிப்பட்ட முறையில் விமலை சந்தித்து உருக்கமாக பேசும் பிரபு மனதை கனமாக்குகிறார். கே ஆர் விஜயா பாட்டியாக வருகிறார். முதல் பாதி படத்தில் சத்யன், இரண்டாம் பாதியில் கிரேன் மனோகர் காமெடி கலாட்டா செய்கின்றனர்.

இடைவேளைக்கு முன்பு வரை கோட்டு சூட்டு போட்ட ஹைடெக் பையனாக வருகிறார் விமல்.. அதுபோல ஹை கிளாஸ் மாடர்ன் கேர்ள் ஆக வருகிறார் ஸ்ரேயா.. இடைவேளைக்குப் பிறகு நிபந்தனையின் பேரில் அவர்கள் கிராமத்திற்கு செல்லும் போது சாந்தமான பெண்ணாக மாறுகிறார்.. ஸ்ரேயாவின் தோழியாக தயாரிப்பாளர் புன்னகை பூ கீதா நடித்திருக்கிறார்.. நீண்ட நாட்களுக்குப் பிறகு பாட்டியாக கே ஆர் விஜயா..

விமல் வழக்கமான தனது இயல்பான, ஜாலியான நடிப்பால் கதாபாத்திரத்திற்கு உயிர் கொடுக்கிறார். குறிப்பாக அப்பாவியாக நடிக்கும் காட்சிகளில் விமல் நம்மை ரசிக்க வைக்கிகிறார் … நடிகை ஸ்ரேயா. மாயா என்ற கதாபாத்திரத்தில் ஸ்டைலாகவும் கவர்ச்சியாகவும் நடித்து, தனது அனுபவத்தை வெளிப்படுத்துகிறார்.

லண்டன் நகரஅழகையும், மதுரை மண்ணின் செழிப்பையும் படம்பித்துள்ள ஒளிப்பதிவாளர் பாராட்டுத்கலுக்குறியவர். அம்ரிஷின் இசை தளம் போட வைக்கிறது .மலையாள படம் மை பாஸ் படத்தின் ரீமேக் என்றாலும் திரைக்கதையில் தமிழ்நாட்டுக்கு ஏற்ற இன்னும் சில மசாலா சுவாரஸ்யங்களை சேர்த்திருந்தால் கூடுதல் பலமமாக இருந்திருக்கும் ..காமெடி அந்த அளவுக்கு சோபிக்கவில்லை ..