ராமாயணம் திரைவிமர்சனம் ரேட்டிங் 4.6/5

ராமாயணம்

நடிப்பு: ரன்பீர் கபூர், யாஷ், சாய் பல்லவி, ரவி துபே, சன்னி தயோல், அருண் கோவி,லாரா தத்தா, அனுபம்கர், காஜல் அகர்வால், ரகுல் ப்ரித் சிங், ஷோபனா

தயாரிப்பு: நமித் மல்ஹோத்ரா, யாஷ் இசை: ஏ ஆர் ரகுமான் ஒளிப்பதிவு : பங்கஜ் குமார், மகேஷ் லிமாயே

இயக்கம்: நிதேஷ் திவாரி பிஆர்ஓ : சுரேஷ் சந்திரா (D’One), அப்துல் ஏ நாசர்

கதை ஓபன் பண்ணா….!

அசுரர்களுக்கும் தேவர்களுக்கும், குறிப்பாக இந்திரனுக்கும் இடையே நடைபெறும் போர் காட்சிகளுடன் படத்தின் ஆரம்பமே அசத்தலாகவும் பிரமிக்க வைக்கும் வகையிலும் அமைந்துள்ளது.. தொடங்கும்போதே ராவணன் உருவான கதைதான் சொல்லப்படுகிறது….!

அசுரர்களுக்கும் தேவர்களுக்கும் இடையே நடைபெறும் போரில் ராவணனின் தாயான கைகசி (ஷோபனா) சண்டையிட்டு தோல்வியடைகிறார்.அதற்குப் பழிவாங்கும் நோக்கில், விஷ்ணுவையே அழிக்கும் அளவுக்குத் தனது மகன் ராவணனைத் தூண்டிவிடுகிறார். வீணை வாசித்துக் கொண்டிருக்கும் ராவணன் கடும் தவம் செய்து பிரம்மாவிடம் சாகாவரம் கேட்கிறான். வரம் வாங்கிய பின் குபேரனின் படையை ராவணன் வீழ்த்தும் தொடக்கக் காட்சியிலேயே அவரது ஆற்றல் கொஞ்சம் பயமுறுத்தவும் செய்கிறது. தேவர்கள் இதனால் ராவணனை அழிக்க விஷ்ணுவின் உதவியை நாடுகின்றனர் ..ராவணன் பிரம்மனிடம் வாங்கிய சாகா வரத்தில் தன்னை கடவுளும் சரி, இயற்கையும் சரி சாகடிக்க முடியாத வரத்தை தர வேண்டும் என்று பெறுகிறான். ஆனால் மனிதன் கையில் சாவது பற்றி ராவணன் வரம் வாங்காது தான் ராம அவதாரத்தின் சூட்சமம் ..!

இதற்கிடையில், மனித உருவத்தில் விஷ்ணு ராமராக அவதரிக்கிறார். சிறுவயது ராமர் வளர்ந்து சிறந்த வீரனாக மாறுகிறார் .ராமரின் குரு வழிகாட்டுதலின் படிஅயோத்தியில் இளவரசராக இருக்கும் ராமர், சுயம்வரத்தில் வில்லை உடைத்து ஜனகரின் மகள் சீதையைத் திருமணம் செய்துகொள்ளும் கட்சி மெய்சிலிர்க்க வைக்கிறது .

கூனி மந்தரையின் பேச்சைக் கேட்டு கைகேயி ராமரின் முடிசூட்டு விழாவைத் தடுக்கும் நோக்கில் தன மகன் பரதனை தான் அரசனாக வேண்டும் என கூற தசரதன் தவிக்கிறார்… தந்தை தசரதன் கைகேயிக்குக் கொடுத்த வாக்கைக் காப்பாற்றுவதற்காக, முடிசூட்டப்பட வேண்டிய நேரத்தில் ராமர் வனவாசம் புறப்படுகிறார். மனைவி சீதையுடனும், தம்பி லட்சுமணனுடனும் காட்டுக்குச் செல்லும் ராமரின் வாழ்க்கையில் பல திருப்பங்கள் ஏற்படுகின்றன.

காட்டில் ராமரை சந்திக்கும் பரதன்… ராமரின் பாத ரட்சைகளை சிம்மாசனத்தில் வைத்து ஆட்சி செய்ய வாங்கி செல்லும் கட்சி அற்புதம் …!காடு கடந்து செல்லும் வழியில் இராவணன் தங்கை சூர்ப்பனகை ஆட்சி நடத்தும் பகுதியில் காட்டில் குடிசை அமைத்து தங்குகின்றனர் .இவர்களை விரட்டியடிக்க வரும் சூர்ப்பனகை ராமரை கண்டதும் அவள் மனதில் காதல் கொள்கிறாள் ..!ஒரு நாள் சீதை வேடம் தரித்து ராமரை நெருங்க லக்ஷ்மணன் விரட்டி அடிக்கிறார்..தன தங்கை .சூர்ப்பனகையின் மூக்கை லட்சுமணன் அறுத்த சம்பவத்திற்குப் பழிவாங்கவும், ராமருடன் போருக்கு அழைப்பு விடுக்கவும், ராவணன் சீதையைக் கடத்திச் செல்கிறான்..கடத்தி செல்லும் புஷ்பக விமானத்தில் .குறிப்பாக, ராவணனுக்கும் ஜடாயுவுக்கும் இடையிலான சண்டைக் காட்சியை 3D வழியே பார்க்கும் போது VFX காட்சிகள் மிரட்டல் superb ..!இதனால் கடும் கோபம் கொள்ளும் ராமர் தன அன்பு மனைவி சீதாவை மீட்க மூவுலகையும் ஆளும் ராவணனை வீழ்த்துவேன் இது ராமர் வாக்கு ..என்று ராமர் சபதம் எடுப்பதே இந்த முதல் பாகத்தின் கதை.

அறிவு வீரம் பக்தி பல்கலை வித்தகனாக வலம் வரும் சாக வரம் பெற்ற இராவணன் யஷ்ஷின் ஆளுமை ராக்ஸ்…இதிகாச ராமனாக வரும் ரன்பீர் கபூர், தனது அமைதியான நடிப்பால் அந்தக் கதாபாத்திரத்தில் கச்சிதமாக பொருந்துகிறார்…, திரை முழுக்க ரன்பீர் கபூர் கண்ணுக்கு தெரியவில்லை ராமரையே காண முடிகிறது.

படத்தில் குறிப்பிட்டுப் பாராட்டப்பட வேண்டியது அதன் கிராபிக்ஸ் தொழில்நுட்பம். இதுவரை எந்த இந்தியத் திரைப்படத்திலும் கண்டிராத அப்படியொரு நேர்த்தி! பெரிய திரையில் மட்டுமே இந்த அனுபவம் முழுமையாகக் கிடைக்கும் ஹான்ஸ் ஸிம்மர் – ஏ.ஆர்.ரஹ்மானின் பின்னணி இசை, மீண்டும் அவரை ஆஸ்காருக்கு அழைத்து செல்லும் விதத்தில் உள்ளது…!

முதல் பாகம் ஏற்படுத்தியிருக்கும் பரவசம் , எதிர்பார்ப்பை எகிற வைக்கும் இராமாயணத்தில் இனி ராமரை தன் நெஞ்சில் சுமக்கும் ஹனுமான் வரவு, இலங்கைக்கு போக பாலம் ,மிரட்டலான போர்க்களம் VFX காட்சிகள் இரண்டாம் பாகத்தில் ..!

மொத்தத்தில், ராமாயணம் உலக அளவில் கவனம் ஈர்க்கக்கூடிய பிரம்மாண்டமான திரைப்படமாக அமையும் மட்டுமல்லாது பல உயரிய விருதுகளை அள்ளி குவிக்கும் என்பதில் சந்தேகமில்லை ..!

இராமாயணம் படத்தின் இயக்குநர் நிதேஷ் திவாரி மற்றும் பட குழுவினர் அனைவருக்கும் வாழ்த்துக்கள்