எதிர்பார்த்த விலைக்கு போகுமா? வாரிசு திரைப்பட தியேட்டர் உரிமை!

கோலிவுட்டில் வசூல் சாம்ராட்டாகவும், ரசிகர்களுக்கும் திரை பிரபலங்களுக்கும் தளபதியாக மனதில் நிலைத்திருப்பவர் நடிகர் விஜய். கடைசியாக இவரது நடிப்பில் நெல்சனின் இயக்கத்தில் பீஸ்ட் திரைப்படம் வெளியானது .மிகப்பெரிய எதிர்பார்ப்பில் வெளியான இப்படம் எதிர்பார்த்த வெற்றியை பெறவில்லை. இதையடுத்து தற்போது வம்சி இயக்கத்தில் வாரிசு படத்தில் நடித்து வருகின்றார் விஜய். ராஷ்மிகா மந்தனா இப்படத்தில் விஜய்க்கு ஜோடியாக நடிக்க அவருடன் சரத்குமார், சாம், பிரபு, பிரகாஷ் ராஜ் ஆகியோர் முக்கிய கதாபாத்திரத்தில் நடித்து இருக்கிறார்கள். இப்படத்தில் விஜய் சற்று மாறுபட்ட நடிப்பை வெளிப்படுத்தியுள்ளதாகவும், இப்படம் வழக்கமான விஜய் படங்களை போல இல்லாமல் சற்று வித்தியாசமாக இருக்கும் என்றும் படக்குழு தரப்பிலிருந்து தகவல் வந்துள்ளது.

இதையடுத்து இப்படத்தின் படப்பிடிப்பு தற்போது விறுவிறுப்பாக நடைபெற்று வர இப்படத்தை அடுத்தாண்டு பொங்கலுக்கு வெளியிட படக்குழு திட்டமிட்டுள்ளது. இந்நிலையில் இப்படத்தின் தமிழ்நாடு விநியோகஸ்த உரிமையை இப்படத்தின் தயாரிப்பாளர் தில் ராஜு 80 கோடிக்கு விற்க முடிவெடுத்துள்ளார்.

ஏனென்றால் விஜய் மற்றும் லோகேஷ் கனகராஜ் கூட்டணியில் உருவான மாஸ்டர் திரைப்படம் தமிழ்நாட்டில் 80 கோடிக்கு மேல் ஷேர் செய்துள்ளது. ஆனால் கடைசியாக வெளியான பீஸ்ட் திரைப்படம் 60 கோடி மட்டுமே ஷேர் செய்துள்ளதால் வாரிசு படத்தை 80 கோடிக்கு வாங்க விநியோகஸ்தர்கள் தயக்கம் காட்டி வருகிறார்கள் என்ற தகவல் வெளியாகி உள்ளது.