தி பாரடைஸ் திரைவிமர்சனம் ரேட்டிங் 3.4/5
தி பாரடைஸ்
நடிப்பு: நானி, மோகன் பாபு, சத்யராஜ், கயாடு லோகர், சோனாலி குல்கரனி,, ராகவ் ஜெயால் தயாரிப்பு சுதாகர் செருகுரி
இசை: அனிருத் ஒளிப்பதிவு : சி எச் சாய் இயக்கம்: ஸ்ரீகாந்த் ஓட்லா பிஆர்ஓ : சதீஷ் குமார் (S2 மீடியா )
கதை open பண்ணா…!
பிரிட்டிஷ் ஆட்சிக் காலத்தில் இந்திய முதலாளி வர்க்கத்தின் கட்டுப்பாட்டில் அடிமைகளாக வாழ்ந்த சவாரி இன மக்கள், சுதந்திரத்திற்குப் பிறகாவது தங்களுக்கான தனி அடையாளத்துடன் சுதந்திரமாக வாழ வேண்டும் என்று போராடுகிறார்கள். ஆனால், அதிகாரத்தையும் ஆதிக்கத்தையும் கையில் வைத்திருக்கும் முதலாளி வர்க்கம் அவர்களுக்கு அந்த உரிமையை வழங்க மறுக்கிறது. தலைமுறை தலைமுறையாக தொடரும் இந்த அடக்குமுறைக்கு எதிராக அந்த மக்கள் தொடர்ந்து போராடி வருகின்றனர்.
இந்தச் சூழலில் சவாரி இனத்தில் நானி பிறக்கும்போதே இரட்டையராக தன் தங்கையுடன் பிறக்கிறார்.. ஆனால் தங்கை இறந்து விடுகிறார்.. எனவே அம்மா இவருக்கு பெண் போல நீண்ட தலை முடி வளர்த்து சடை போட்டு விடுகிறார்.. அன்று முதல் இவரை எல்லோரும் சடையன் என்று பெயரிட்டு அழைக்கிறார்கள்..
தனது தாயைப் போலவே அடக்குமுறைக்கு எதிராக குரல் கொடுக்கிறார். தனது இன மக்களை அடிமைத்தனத்திலிருந்து மீட்டு, அவர்களுக்கான உரிமையையும் அடையாளத்தையும் பெற்றுத்தர வேண்டும் என்பதே அவரது நோக்கம். ஆனால் மாலிக் அதிகார பீடம் சடையனையும் அவனது இனத்தையும் அழிக்க போலீஸ் அதிகாரத்தை பயன்படுத்துகிறது. அந்த அடக்கு முறையை எதிர்த்து சடையன் இனத்தைச் சேர்ந்த மக்கள் போராடி வெற்றி பெற்றார்களா? தோற்றார்களா என்பதற்கு paradise படத்தின் கிளைமாக்ஸ் …!
நடன காட்சிகளிலும் நானி அற்புதம் செய்திருக்கிறார். இதற்கிடையே நாயகியாக நடித்திருக்கும் கயாடு லோஹர் ருடன் காதல்…., சோனாலி குல்கர்னியிடம் அம்மா வுடன் சென்டிமென்ட் என இருந்தாலும் படத்தில் சண்டை காட்சிகளில் நானியின் ருத்ர தாண்டவம் மிரட்டல் …! மொத்த படத்தையும் தன் தோளில் தாங்கி நானி கடுமையாக உழைத்துள்ளார்..!
ஒளிப்பதிவாளர் சி.எச்.சாய்.. பாரடைஸ் உலகத்தை பிரம்மாண்டமாகவும் மற்றும் சவாரி இன மக்களின் வாழ்வியலையும் அழகாக படம் பிடித்திருக்கிறார்..!
அனிருத் இந்த படத்திற்கு இசையமைத்திருக்கிறார்..பின்னணி இசை காதை பதம் பார்க்கிறது …!
சண்டை காட்சிகளில் தலை, கை, கால், இடுப்பு என மனித உடம்பில் அத்தனை பாகங்களையும் வெட்டி வீசி கொத்துக்கறி போட்டுள்ளார் இயக்குனர் ஸ்ரீகாந்த் ஓடெலா..! (எப்படி சென்சார் கண்ணில் படாமல் போனது ..அடடே ! ஆச்சர்யக்குறி ! …?…)
பாலைவன தேசத்தில் ஐஸ் மழை போல கயாடு லோஹர் தூக்கலான கவர்ச்சி மீதி படத்தை தூக்கி நிறுத்துகிறது
ஸ்ரீகாந்த் ஓடெலா படத்தை இயக்கியிருக்கிறார்…!ஒரு இன மக்களுக்காக போராடும் நாயகன் கதை என்றாலும் அதை ரத்தம் படம் பார்ப்பவர் மேல் தெறிக்க கதை சொல்லியிருக்கிறார்.. ! .
தி பாரடைஸ் பட குழுவினர் அனைவர்க்கும் பாராட்டுக்கள் ..!
நம்ம tamilprimenews .com ரேட்டிங் 3.4/5
