மீசைய முறுக்கு 2 திரைவிமர்சனம் ரேட்டிங் 3.7/5

படம்: மீசைய முறுக்கு 2

நடிப்பு: ஹிப்ஹாப் தமிழா ஆதி, சைத்ரா ஜே ஆச்சார், கேதிகா ஷர்மா, ரம்யா ரங்கநாதன், ஹர்ஷத் கான், கருணாஸ், நாசர், ஆடுகளம் நரேன், கருணாகரன்

தயாரிப்பு:குஷ்பூ சுந்தர், ஏ.சி.எஸ். அருண்குமார் இசை: ஹிப்ஹாப் தமிழா ஆதி ஒளிப்பதிவு : பாலாஜி சுப்ரமணியம் இயக்கம்: ஹிப்ஹாப் தமிழாஆதி

பி ஆர் ஓ : ரியாஸ் K அஹ்மத், பாரஸ் ரியாஸ், சதீஷ் (S2 Media)

கதை ஓபன் பண்ணா….!

கானா இசை கலைஞர்களின் மூன்று தலைமுறை கதையை சொல்லி இருக்கிறார் இயக்குனர் ஆதி ….1970 களில் வடசென்னை பகுதியில் கானா பாடல்கள் பிரசித்தம் அந்த பாடலைக் கேட்கும் ஆடியோ நிறுவன நிர்வாகி கருணாகரன் தனது தந்தையின் ஆடியோ கேசட் நிறுவனம் மூலம் ஒலிப்பதிவு செய்து உலகம் முழுவதும் அறிமுகப்படுத்தப் போவதாக கானா பாடகர் ஹிப்ஹாப் ஆதி இடம் சொல்கிறார். அது தோல்வியில் முடிய …அதன் பிறகு இவரது மகனாக அடுத்த ஆதி.. அவரும் கானா இசைக்காக போராடி தன்னுடைய சொந்த வாழ்க்கைக்கு பஸ் டிரைவராக மாறி பயணிக்கிறார்..தன் தந்தையின் லட்சியம் நிறைவேறவில்லை.. தன் லட்சியமும் நிறைவேறவில்லை.. எனவே தன் மகனின் லட்சியம் நிறைவேற போராடுகிறார்..

காலங்கள் உருண்டோடுகிறது…….. மூன்று கதையிலும் நாயகன் ஹிப் ஹாப் ஆதி தான்.. கானா இசைக்காக கர்நாடக இசையை எதிர்த்து போராடும் கலைஞர் ஒரு கட்டத்தில் தன்னுடைய சொந்த வாழ்க்கைக்கு பயணத்தை மாற்றிக் கொள்கிறார்..

2026 காலகட்டத்தில் கானா இசைக்கலைஞர் ஆதிக்கும், பிரபல இசைக் கலைஞருக்கும் இடையே மோதல் ஏற்படுகிறது. இந்த மோதலில் யார் வெற்றி பெறுகிறார்கள் இந்த மூன்று தலைமுறையின் ஆசை நிறைவேறியதா என்பதுதான் மீதிக்கதை..

2017 ஆம் ஆண்டு திரைக்கு வந்த ஹிப் ஹாப் ஆதி நடித்த மீசைய முறுக்கு படத்தின் இரண்டாம் பாகமாக மீசைய முறுக்கு 2 தற்போது வெளியாகி இருக்கிறது.

முதல் பாகத்தில் தனி ஹீரோவாக நடித்திருந்த ஹிப் ஹாப் ஆதி தமிழா இரண்டாம் பாகத்தில் மூன்று வேடத்தில் நடித்திருப்பது இதுவரை இந்த படத்தில் வைக்கப்பட்டிருந்த சீக்ரெட்… ஹிப் ஹாப் ஆதி வழக்கமான தனது பாணி நடிப்பை வழங்க தவறவில்லை. ஒவ்வொரு பாத்திரத்திற்கும் அவர் வித்தியாசம் காட்ட முயற்சித்திருந்தாலும் பாடி லாங்குவேஜ் கொடுத்தவரை பெரிதாக மாற்றம் இல்லை.

கானா பாடகர் தாஸ் கதாபாத்திரத்தில் வடசென்னை லோக்கல் பாஷை பேசி நடிக்கும் ஆதி அடுத்தடுத்த இரண்டு பாத்திரங்களில் தன்னை வேறுபடுத்த முயன்றிருக்கிறார். இளமைக்கும் துள்ளலுக்கும் குறைவில்லை.குறிப்பாக இசை கலைஞராக வரும் இரண்டாவது கதாபாத்திரத்தில் ரொம்பவே ஜோவியலாக நடித்திருக்கிறார். கவர்ச்சி நாயகியாக வரும் கேத்திகா சர்மா உடன் இளமை பொங்க நடித்து இளைஞர்களுக்கு கவர்ச்சி விருந்தும் படைக்கிறார்.

கானா பாடல் பாடும் தாஸ் கதாபாத்திரத்தில் வரும் ஆதிக்கு ஜோடியாக சைத்ரா ஜே ஆச்சார் நடித்துள்ளார். மற்றொரு கதாநாயகி ரம்யா ரங்கநாதன் கதாபாத்திரம் முதல் பாதி வரை சஸ்பெண்ட் ஆகவே விடப்பட்டிருப்பது எதிர்பார்ப்பை ஏற்படுத்துகிறத..ஆதியின் நண்பராக ஹர்சத் கான், கருணாஸ், நாசர், ஆடுகளம் நரேன், சாரா, கருணாகரன் உள்ளிட்ட அனைவரும் சிறப்பு..

இசையமைக்கும் பொறுப்பையும் ஹிப்ஹாப் ஆதி ஏற்றிருக்கிறார் …ஒன்றிரண்டு பாடல்கள் தாளம் போட வைக்கிறது.குஷ்பூ சுந்தர், ஏ.சி.எஸ். அருண்குமார் படத்தை தயாரித்திருக்கிறார்கள்.கர்நாடக இசைக்கு கானா இசை எந்த விதத்திலும் குறைந்தது இல்லை என்பதை மூன்று தலைமுறை போராட்டத்திற்குப் பிறகு கிடைக்கும் வெற்றியாக சொல்லி இருக்கிறார் இயக்குனர் ஆதி..

மொத்தத்தில் மீசையை முறுக்கு 2 ….genz இளைஞர்களை குறி பாத்து மீசையை முறுக்கியுள்ளது …பட குழு அனைவருக்கும் வாழ்த்துக்கள்…!