மகுடம் திரைவிமர்சனம் ரேட்டிங் 3.6/5

மகுடம்

நடிப்பு: விஷால் (இரட்டை வேடம்), அஞ்சலி, துஷாரா விஜயன், ஜெயபிரகாஷ், ஜான் விஜய், தம்பி ராமையா, சித்ரா லட்சுமணன், வம்சி கிருஷ்ணா

தயாரிப்பு: சூப்பர் குட் பிலிம்ஸ் இசை: ஜீவி பிரகாஷ் ஒளிப்பதிவு: ரிச்சர்ட் எம் நாதன், அபிநந்தன் இயக்கம்: விஷால் பிஆர்ஓ : ரியாஸ் கே அஹமத், பாரஸ்

கதை ஓபன் பண்ணா….!

விஷால் மருந்து விற்பனையாளராக வேலை பார்க்கும் ஒரு நடுத்தர குடும்பஸ்தர். அவரது மனைவி துஷ்ரா குடும்பத்தலைவி. இவர்களுக்கு அஸ்வின் மாயா என்ற இரண்டு குழந்தைகள்இருக்கிறார்கள். துஷாராவின் அப்பா தம்பி ராமையா விடம் தனக்கு கார் இருப்பதாக சொல்லி காதலி துஷாராவை திருமணம் செய்கிறார் விஷால்..ஒரு கட்டத்தில் காரை வாங்க வேண்டிய கட்டாயத்திற்கு தள்ளப்படுகிறார் விஷால்.. இவரது சம்பளத்திற்கு எவ்வளவோ முயற்சி செய்தும் லோன் கிடைக்காத காரணத்தினால் செகண்ட் ஹேண்ட் காரை ஒன்றை வாங்குகிறார்.

. அந்த காரில் தனது குடும்பத்துடன் பயணம் செய்கிறார். அவகளை ஒரு ரவுடிக் கும்பல் வழி மறித்து விஷாலின் மனைவி துஷ்ராவையும் அவரது மகளையும் கொலை செய்துவிட்டு தப்பிவிடுகிறார்கள். மனைவி மற்றும் ஒரு குழந்தையை கிருபா இழக்கிறார். பின்னர்தான் தெரிகிறது இவர் ஒரு பெரிய தாதாவின் மகன் என்பது. அந்த தாதா யார்? இவர்களது எதிரிகள் யார்? என்பது படத்தின் மீதி கதை ..

தந்தை, மகன் என இரு கதாபாத்திரங்களிலும் (இரட்டை வேடம்) விஷால் சிறப்பான வித்தியாசம் காட்டி சிறப்பாக நடித்திருக்கிறார். சாதுவான, குடும்பத்திற்காக போராடும் மகன் கதாபாத்திரத்தில் அனுதாபத்தை அள்ளும் அவர், மறுபுறம் மிகப்பெரிய ரவுடி கதாபாத்திரத்தில் மிரட்டலாக நடித்து அவரின் ரசிகர்களுக்கு விருந்தளித்துள்ளார்.

மகனாக துஷாராவிடம் ரொமான்ஸ் காதல்.. அப்பாவாக அஞ்சலி கிட்டமுரட்டு காதல் என விஷால் விளையாடி இருக்கிறார்.. துஷாராவுக்கு அமைதியான வேடம்.. அஞ்சலிக்கு அதிரடியான வேடம். ஜான் விஜய் இப்படத்தில் தன்னால் உணர்ச்சி பொங்க நடிக்க முடியும் என்பதை நிரூபித்துள்ளார் …

சூப்பர் குட் பிலிம்ஸ் படத்தை தயாரித்திருக்கிறது. திரைக்கதை அமைத்து நடிகர் விஷால் முதன்முறையாக இப்படத்தை இயக்கியிருக்கிறார்…ஜி.வி. பிரகாஷ் குமாரின் இசை கதையோடு இணைந்து பயணித்து ரசிகர்களை தாளம்போட வைக்கிறது. தந்தை-மகன் மோதல், பழிவாங்கும் கதை என்ற பழக்கமான களமாக இருந்தாலும், அதில் புதுமையான காட்சிகளையும் அதிரடியான திரைக்கதையையும் இணைத்து படத்தை சுவாரசியமாக நகர்த்தியிருக்கிறார் இயக்குனர் விஷால்.

ஆக்ஷன் பட ரசிகர்களுக்கு அருமையான விருந்து படைத்துள்ளார் விஷால்