டோன்ட் டிரபுல் தி டிரபுல் திரைவிமர்சனம் ரேட்டிங் 3.9/5

டோன்ட் டிரபுல் தி டிரபுல்

நடிப்பு: பஹத் பாசில், சாரா பலேகர், மகேஷ் மஞ்ச்ரேகர்,   சௌரப் சச்தேவா,   வெங்கடேஷ் காகுமானு,  சுப்பராஜு, திவ்யா பிள்ளை,    எஸ். எஸ். ஷஷாங்க்

தயாரிப்பு: ஷோபு யார்லகட்டா, பிரசாத் தேவினேனி,    எஸ். எஸ். கார்த்திகேயா    வழங்குபவர்  :எஸ். எஸ். ராஜமௌலி

இசை – கால பைரவா    ஒளிப்பதிவு – பிராட் பிரான்சிஸ் ACS         இயக்கம்:ஷஷாங்க் யேலேட்டி        பி ஆர் ஓ : யுவராஜ்

கதை ஓபன் பண்ணா….!

சூரி (பகத் பாசில்) ஒரு ஆம்புலன்ஸ் டிரைவர். பணத்தின் மீது அதிக பேராசை கொண்டவர். பணம் இருந்தால் மட்டுமே பிறப்பு முதல் இறப்பு வரை அனைத்தும் சாத்தியம் என்று நம்பும் அவர், அதற்காக ஏமாற்றவும் பொய் சொல்லவும் தயங்காதவர்.இந்த சூழலில் .சூரி கடன் தொல்லையில்  தவிக்கிறார். வாங்கிய பணத்தை தராவிட்டால் தீர்த்துக்கட்டி விடுவேன் என்று கடன் கொடுத்த  பாய் எச்சரிக்கிறார். ஒரு கட்டத்தில் ஒரு பாயை  ஏமாற்ற முயன்று மாட்டிக் கொள்கிறார். உயிருடன் தப்பிக்க 2 நாட்களில் அவருக்கு ₹25 லட்சம் பணம் தேவைப்படுகிறது.
இந்தச் சூழ்நிலையில், சூப்பர் நேச்சுரல் சக்தி கொண்ட திவ்யா (சாரா பாலேகர்) என்ற சிறுமியை அவர் கடத்துகிறார். ஆனால், அந்தச் சிறுமியோ சூரியை தன் பெற்றோருடன் சேர்த்து வைக்க வந்த ஒரு ‘மேஜிக் நிபுணர்’ (Magician) என்று தவறாக நம்புகிறாள்… குழந்தையை கடத்தி பணம் பறித்து கடனை அடைக்க சூரி திட்டமிடுகிறான்   பின்னர்  குடும்பத்தாரிடம் கோடிக்கணக்கில் பணம் கேட்கிறான்

ஒரு சூழ்நிலையில் திவ்யாவுக்கு அமானுஷ்ய சக்திகள் இருப்பது சூரிக்குத் தெரிய வருகிறது. ஆனால் சூரியிடம் வந்து சேர்ந்த குழந்தை ஒரு பேய் என்பது தெரிய வரும்போது கதை இன்னும் வேகம் எடுக்கிறது …!ஒரு கட்டத்தில் சாரா ஒரு பேய் என்று தெரிந்ததும் அதனிடமிருந்து தப்பிக்க பஹத் மிரண்டு ஓடுவதும்  எங்கு சென்றாலும் விடாமல் துரத்தும் சாராவை கண்டு நடுங்குவதுமாக காமெடி செய்திருக்கிறார் பஹத்…. அதன் பிறகு சூரி–திவ்யா இருவருக்கும் இடையே உருவாகும் உறவையும், அந்த மாயாஜால உலகத்தையும் மையமாக வைத்து கதை செல்கிறது..

ஆம்புலன்ஸ் டிரைவராக வரும் பஹத் பாசில்  துருதுருவென்று வருகிறார்… கடன் கொடுத்த பாய் தனக்கு கெடு வைத்ததும் என்ன செய்வதென்று தெரியாமல் தவிக்கும் பஹத் தன்னை நாடிவரும் குட்டிப் பெண்   சாராவிடம், ” உனது அம்மா அப்பாவை காட்டுகிறேன் எனக்கு மேஜிக் தெரியும்” என்று ஏமாற்றி அவரிடம் நட்பாக இருப்பதும், பின்னர் சாரா குடும்பத்தாரிடம் மிரட்டி பணம் பறிக்க திட்டமிடுவதும் அவருக்கே உரிய மேனரிசம் அருமை …!

இயக்குனர் எஸ் எஸ் ராஜமௌலி  ஏற்கனவே பாகுபலி போன்ற பேண்டஸி படங்களை தந்தவர் அவர்தான் இந்த படத்தை வழங்குகிறார். அவரது மகன் கார்த்திகேயா படத்தை தயாரித்திருக்கிறார். படம் முழுக்க மாய வித்தைகள் காட்டுகிறார்கள்

. இது ஒரு தெலுங்கு படம் என்றாலும் தமிழுக்கு ஏற்றவாறு தமிழ் ரசிகர்களை கவரும் வகையில் காட்சிகள் அமைத்துள்ளது சிறப்பு…..

இயக்குனர் ஷஷாங்க் யெலெட்டி ஒரு நல்ல ஃபேண்டஸி ஐடியாவை எடுத்திருக்கிறார், அதை சுவாரசியமாகக் கொண்டு சென்று ள்ளார்…

குடும்பத்தோடு குழந்தைகளை கூட்டி சென்று பார்க்க வேண்டிய மாயாஜால மேஜிக் இந்த ‘டோன்ட் டிரபிள் தி டிரபிள்“

நம்ம tamilprimenews .com ரேட்டிங் 3.9/5