கிட்டி திரைவிமர்சனம் ரேட்டிங் 3/5

கிட்டி திரைவிமர்சனம்:

படத்தின் நடிகர் , நடிகைகள் மற்றும் தொழில்நுட்பக் குழு விபரம்.

நாயகன் – அசோக்-விஜய்
2வது நாயகன்
போலீஸ் – யுகன்
நாயகிகள் –
சங்கவி – மஹா
நிஷா – பூஜா
சிமுஅத்வானி- தீப்தி
டாக்டர் – அரவிந்த் ராஜ்
ஜட்ஜ் -ஓய்.ஜி.மகேந்திரன்

இசை – காதர்
ஒளிப்பதிவு -வி.எஸ்.வேலன்
நடனம் – ராக் சங்கர்
எடிட்டர் – கார்த்திக் பாண்டியன்
ஸ்டண்ட் – ‘பாப்புலர்’ பாபு
பாடல்கள் – ப்ரியன், சீர்காழி சிற்பி,
தமிழ்மகன்
கலை இயக்குனர் – வாலி
மக்கள் தொடர்பு – சரண்
கதை,திரைக்கதை ,வசனம், இயக்கம் – நெடுமாறன் மோகன்தாஸ்.
ரியா கிரியேஷன்ஸ் சார்பாக திருமாறன் படத்தை தயாரித்திருக்கிறார் .

கதை open பண்ணா…!

காதலியான பூஜாவை கொலை செய்ததாகவும், தன்னை கொலை செய்ய வந்த ஒருவரை கொன்றதாகவும் காவல்துறையில் சரணடைகிறார் விஜய் (அசோக்). ஆனால், இந்த இரண்டு கொலைகளுக்குப் பின்னாலும் பல மர்மங்கள் இருப்பது விசாரணையில் தெரியவருகிறது. விஜய் யார்? பூஜா ஏன் கொலை செய்யப்பட்டார்? என்ற கேள்விகளுக்கான விடையை தேடுவதுதான் படத்தின் கதை.

படத்தின் தொடக்கமே சஸ்பென்ஸ் நிறைந்ததாக இருப்பதால், அடுத்து என்ன நடக்கும் என்ற எதிர்பார்ப்பு ஏற்படுகிறது. உண்மையை உடனடியாக சொல்லாமல், ஒவ்வொரு காட்சியிலும் புதிய சந்தேகங்களை உருவாக்கும் திரைக்கதை முதல் பாதியை சுவாரஸ்யமாக நகர்த்துகிறது.

விஜய் கதாபாத்திரத்தில் அசோக் அமைதியான நடிப்பால் கவனம் ஈர்க்கிறார். குறிப்பாக உணர்ச்சிகரமான காட்சிகளில் அவரது நடிப்பு சிறப்பாக உள்ளது. சங்கவி, நிஷா, சிமு அத்வானி, யுகன், யு.ஜி. மகேந்திரன் ஆகியோரும் தங்களுக்கு கொடுக்கப்பட்ட கதாபாத்திரங்களை சிறப்பாக செய்துள்ளனர்.

காதரின் இசையும், வி.எஸ். வேலனின் ஒளிப்பதிவும் படத்தின் மர்மம் மற்றும் பதற்றத்தை அதிகரிக்க உதவுகின்றன.

ஆனால், இரண்டாம் பாதியில் படத்தின் வேகம் சற்று குறைகிறது. தொடக்கத்தில் ஏற்படுத்தப்பட்ட பல கேள்விகளுக்கு முழுமையான மற்றும் தெளிவான பதில் கிடைக்காதது குறையாக உள்ளது. குறிப்பாக கிளைமாக்ஸ், மர்மங்களுக்கு முடிவு கொடுப்பதற்கு பதிலாக மேலும் குழப்பத்தை ஏற்படுத்துகிறது.

சஸ்பென்ஸ் மற்றும் நல்ல நடிப்புடன் தொடங்கும் ‘கிட்டி’, இரண்டாம் பாதியில் திரைக்கதையில் ஏற்படும் குழப்பங்களால் எதிர்பார்த்த அளவுக்கு தாக்கத்தை ஏற்படுத்தவில்லை…

மொத்தத்தில், வித்தியாசமான கதைக்களம், இன்னும் திரைக்கதை யில் கொஞ்சம் கவனம் செலுத்தி இருந்தால் வெற்றி பட வரிசையில் கிட்டி இடம் பிடித்திருக்கும்

நம்ம tamilprimenews.com ரேட்டிங் 3/5