ஏழு கடல் ஏழு மலை திரைவிமர்சனம் ரேட்டிங் 3.8/5

ஏழு கடல் ஏழு மலை

நடிப்பு: நிவின் பாலி, சூரி, அஞ்சலி, தயாரிப்பு: சுரேஷ் காமாட்சி இசை: யுவன் சங்கர் ராஜா கூடுதல் இசை: சந்தோஷ் தயாநிதி

ஒளிப்பதிவு : என் கே ஏகாம்பரம் இயக்கம்: ராம் பிஆர்ஓ : A.ஜான்

கதை ஓபன் பண்ணா….!

ஒரு குழந்தை தன் தாயிடம்.. தான் தூங்க வேண்டுமென்றால் கதை சொல்ல வேண்டும் என்கிறான்.. அதன்படி தாய் தன் குழந்தைக்கு கதை சொல்வதாக இந்தப் படத்தின் காட்சிகள் நீள்கிறது..

கதைப்படி எட்டாயிரம் ஆண்டுகளாக வாழ்ந்து வகுகிறார் நிவின் பாலி. அவரது காதலியான அஞ்சலி ஒவ்வொரு காலகட்டத்திலும் இறந்து மீண்டும் மறுபிறவி எடுத்து வருகிறார். இவ்வாறு கதை சொல்லிக்கொண்டு வரும் ராம், 1985 ஆம் ஆண்டுக்கு வருகிறார். தீபாவளி சிறப்பு ரயிலில் நிவின்பாலி தூங்கி கொண்டு இருக்கிறார். அதே ரயிலில் துபாயில் கடந்த 8 வருடங்களாக வேலை பார்த்துவிட்டு தீபாவளிக்காக ஊருக்கு வரும் சூரி அதே ரயிலில் ஏறுகிறார். துங்கக் கொண்டிருந்த நிவின் பாலியை தட்டி எழுப்புகிறார்.

இதனால் ஆத்திரம் அடைந்த நிவின், சூரியை அடித்து துவசம் செய்கிறார். அடிதாங்க மாட்டாமல் பயந்து நடுங்குகிறார் சூரி. இதற்கிடையே அதே ரயிலில் . ஒரு எலி புதிதாய் பிறந்த தன் குட்டி குஞ்சுகளுடன் பயணிக்கிறது.. அதற்கு உண்டான பராமரிப்புகளை செய்து கொண்டிருக்கிறார் நீவின்பாலி.. அந்த எலிக்கு பிஸ்கட் எல்லாம் கொடுத்து அன்போடு தடவி கொடுத்து அதன்மீது பாசத்தை பொழிகிறார் நிவின் .நிவினுக்கு பிடித்தமான அந்த ஏலியை சூரி துன்புறுத்த இருவருக்கும் பிரச்சனை வெடிக்கிறது..

சூரி , நிவின் பாலியிடமிருந்து தப்பிக்க எடுக்கும் முயற்சிகள் எல்லாம் அவருக்கே ஆபத்தாக முடிகிறது… சூரி பொறுமையாக அவரின் முன் கால கதையை நிவின்பாலியிடம் கேட்க கதை நகர்கிறது சூரி மற்றும் நிவின் பாலி இருவரும் வரும் காட்சிகள் சுவாரசியமாக இருக்கிறது நிவின் பாலி இடமிருந்து எப்படியாவது தப்பித்து ஊருக்கு போய்விட வேண்டும் என்கிற எண்ணத்தில் சூரி நிவின் பாலிக்கு அடிபணிந்து நடந்து கொள்கிறார்… கிளைமாக்ஸ் நெருங்கும் போது இப்படி ஒரு சூழ்நிலை ஒருவருக்கு ஏற்பட்டால் ரயிலில் என்ன செய்ய வேண்டும் என்று நிவின் பாலி சூரிக்கு வகுப்பு எடுத்த போது தியேட்டரே சிரிப்பலையில் மிதந்தது…!

சூரியை நிம்மதியாக பயணிக்க விடாமல் நிவின் பாலி தன் கட்டுக்குள் வைத்திருக்கிறார்.. தன் தீபாவளி பயணம் இப்படி தொடங்குகிறது என நினைக்கும் சூரி என்ன செய்தார்.? சாகாவரம் பெற்ற 8000 வருடங்கள் வாழ்ந்த ஒருவரின் பயண தேடல் என்ன என்பதெல்லாம் சுவாரஸ்யமான திரைக்கதை.. மனிதர்களைத் தவிர மற்ற உயிரனங்கள் மீது ஏன் அன்பு செலுத்துகிறார்?. நிவின் பாலி தனது காதலியை கண்டுபிடித்தாரா? இல்லையா?

அஞ்சலியின் அன்பு, நிவின் பாலியின் மனிதம், சூரியின் பயம் இந்த மூன்று அம்சங்கள் படத்தின் வெற்றிக்கு வழி வகுக்கிறது,,,ஒவ்வொரு ஜென்மத்திலும் .காதலியாக வரும் அஞ்சலியும் தனக்கே உரிய தனித்துவ நடிப்பை கொடுத்து அசத்துகிறார். இவர்களுடன் ஒரு எலியும் முக்கிய கதாபாத்திரத்தில் வருகிறது. ஆச்சரியம் தருகிறது. ஏகாம்பரம் ஒளிப்பதிவும், யுவன் சங்கர் ராஜாவின் இசையும் படத்துடன் நம்மை பயணிக்க வைக்கிறது…!

இந்த உலகம் மனிதர்களுக்கு மட்டும் சொந்தமல்ல, ஒவ்வொரு உயிரினத்திற்கும் சொந்தமானது என்பதை அழகாக கூறி, ஒரு உணர்வுப்பூர்வமான படத்தை எடுத்து கவனம் ஈர்த்துள்ளார், இயக்குனர் ராம்…கற்றது தமிழ் மட்டுமல்ல ,ஏழு கடல் ஏழுமலை போன்ற உணர்வு கதைகள் ராமிடம் இன்னும் நாம் கற்று கொள்ள ஏராளம் கதைகள் வர வேண்டும்.