அன்பில் அவன் திரைவிமர்சனம் ரேட்டிங் 3.7/5

அன்பில் அவன்

நடிப்பு: அசோக் செல்வன், ப்ரீத்தி முகுந்தன், கதிர் பாலு, மகா டெல்லி கணேஷ், சாபுமோன் அப்துசமத், ரேவதி

தயாரிப்பு : கே.கருணா மூர்த்தி, அசோக் செல்வன், அபிநயா செல்வம்      இசை: கோவிந்த் வசந்தா

ஒளிப்பதிவு : கௌதம் ராஜேந்திரன்         இயக்கம்: ஆர் கார்த்திகேயன்        பி ஆர் ஓ : யுவராஜ்

கதை ஓபன் பண்ணா….!

சூர்யா (அசோக்செல்வன் ), இயல் ( ப்ரீத்தி முகுந்தன் ) காதலித்து திருமணம் செய்கின்றனர்.தன் காதல் மனைவி( இயல்) ஆசையை நிறைவேற்ற .பெற்றவர்களை விட்டு தன் காதலுக்காக தன்னை நம்பி வந்த மனைவி பிரீத்திக்கு அவளின் லட்சிய கனவுப்படி மலைப்பிரதேசங்களில் இயற்கை சூழ்ந்த இடத்தில் ஒரு Home Stay வீடு வாங்க நினைக்கிறார் அசோக் செல்வன்..!

அங்கு சுற்றுலாப் பயணிகளை தங்க வைத்து கட்டணம் பெற்று அதன் மூலம் சம்பாதிக்க நினைக்கிறார்.. அதற்காக மலைப் பிரதேசத்தில் அழகிய வீட்டை தேர்வு செய்கிறார்கள் ..

மதுக்கூர் ராணி (ரேவதி) யிடம் பேசி தன் மனைவி எனக்காக தன் குடும்பத்தை விட்டு பிரிந்து வந்து விட்டார்!! அவள் கனவை நிறைவேற்ற வேண்டும். என்று கெஞ்சி கேட்டு முதலில் அந்த வீட்டை விற்க மறுக்கும் ரேவதி ஒரு கட்டத்தில் அசோக் செல்வனின் பிடிவாதத்தால் அந்த வீட்டை விற்கிறார்.. விலைக்கு வாங்கி இயலும், சூர்யாவும் பயனிக்க, ஆனால் அந்த புதிய இடத்தில் எதிர்பாராத பிரச்சினையும் ஆபத்தும் அவர்களைச் சுற்றிக்கொள்கிறது.

தான் எத்தனையோ முறை முயன்றும் அந்த வீட்டை தனக்கு தரவில்லை ரேவதி என ஏற்கனவே ஏகப்பட்ட டென்ஷனில் இருக்கிறார் அந்த ஊர் எம் எல்ஏ..ராஜநாயகம் இதனால் அசோக் செல்வனுக்கு சுற்றலாத்துறை மூலமாக பல இடைஞ்சல்களை கொடுக்கிறார்..பல்வேறு சூழ்ச்சிகள் செய்து சூர்யாவையும்,  இயலையும் வாட்டி வதைத்து வீட்டை எழுதி வாங்க முற்படுகிறார். அந்த ஊர் காவல் துறை அதிகாரி தவசிக்கு, பிரீத்தி முகுந்தன் மீது ஆசை, இதெல்லாம் பிரச்சினைகளாக பூகம்பம்பாக வெடிக்க, அந்த பிரச்சனையில் இருந்து கணவனும், மனைவியும் எப்படி தப்பித்தார் கள். .அந்த கொலைகார கூட்டத்திடம் சிக்கிய இளம் ஜோடிகளின் கதி என்னவாகிறது என்பதுதான் கிளைமாக்ஸ்.

அசோக் செல்வனின் நடிப்பு அவருடைய வழக்கமான காதல் படம் அல்ல இது… காதல்/உறவு கதையாக ஆரம்பித்து பின்னர் த்ரில்லர்–ஆக்ஷன் களத்துக்கு நகர்வதால், அவரும் நடிப்பில் ஸ்கோர் செய்கிறார் ..!

அசோக் செல்வன் – பிரீத்தி முகுந்தன… இருவருக்கும் இடையில் காதல் மோதல் உண்டு.. செல்லமாக சின்ன சின்ன சண்டைகள் போட்டாலும் மனைவிக்காக அவர் எடுக்கும் ரிஸ்க் கணவன் மீதான மரியாதையை கொடுக்கும்…உண்மையான காதல் ஜோடிகள் போல ரொமாண்டிக்கில் இருவரும் கலக்கியுள்ளனர்..

ப்ரீத்தி முகுந்தனுக்கு “அன்பில் அவன்” வெறும் ஹீரோவுக்கு ஜோடியாக வரும் பாத்திரம் அல்ல; கதையின் உணர்ச்சிப் பகுதியையும் பல திருப்பங்களை தாங்கிச் செல்லும் முக்கியமான கதாபாத்திரம்…! அதனால் அவருடைய நடிப்பில் நல்ல முன்னேற்றம் தெரிகிறது …!

கோவிந்த் வசந்தா இசை திகில் படத்துக்கு தேவையான பின்னணி இசை மற்றும் பாடல்கள் அருமை…!இந்த படம் தயாரிப்பு : கே. கருணாமூர்த்தி, அசோக் செல்வன், அபிநயா செல்வம்….இயக்கம் : ஆர். கார்த்திகேயன்

போர் தொழில் பட இயக்குனர் விக்னேஷ் ராஜா இந்த படத்தின் கதையை எழுதி இருக்கிறார்… ஒரு வீட்டை அபகரிக்க முயற்சிக்கும் அரசியல்வாதி.. என மிரட்டல் திரைக்கதையாக இருந்தாலும் அதை மேக்கிங்கிலும் மிரட்டலாகவே கொடுத்திருக்கிறார் இயக்குனர் ஆர். கார்த்திகேயன்..

நம்ம tamilprimenews .com ரேட்டிங் 3.7/5