கிராண்ட் மாஸ்டர் திரைவிமர்சனம் ரேட்டிங் 3.3/5
கிராண்ட் மாஸ்டர்
நடிப்பு: அபர்ணதி, லிங்கேஷ், வெற்றி செழியன், சுரேஷ் மேனன், அஸ்வின், தமிழரசி, அன்பு தயாரிப்பு: வேலாயுதம்
இசை: ஆண்டனி ஒளிப்பதிவு : அர்ஜுன் ரவி, ஞானசேகர் இயக்கம்: வெற்றி செழியன் பிஆர்ஓ : சதீஷ் (AIM )
கதை ஓபன் பண்ணா….!
கணவரை இழந்து துப்புரவு பணியாளராக வாழ்ந்து வரும் அபர்ணதி, தனது ஒரே மகனை நன்றாக படிக்க வைத்து ஒரு வழக்கறிஞராக உருவாக்க வேண்டும் என்ற கனவுடன் இருக்கிறார்..ஆனால் துப்புரவு பெண் தொழிலாளி மகன் செஸ் விளையாடுவதில் ஆர்வம் மிகுந்திருக்கிறான். அவன் தாழ்த்தப்பட்ட இனத்தை சேர்ந்தவன் என்பதால் பள்ளி முதல் எல்லா இடத்திலும் ஒதுக்கப்படுகிறான். சர்வதேச அளவிலான செஸ் போட்டியில் கலந்து கொண்டு வெற்றி பெற வேண்டும் என்பது அந்த சிறுவனின் லட்சியம்.மகனின் திறமைக்கும் ஆசைக்கும் சமூகத்தின் புறக்கணிப்பு தடையாக நிற்கிறது. அவரது தாய் செய்யும் தொழிலை காரணமாக வைத்து, மகனை மற்றவர்கள் ஒதுக்குகின்றனர். இதை உணர்ந்துகொள்ளும் அபர்ணதி, மகனின் கனவை நிறைவேற்றுவதற்காக தானே சதுரங்கப் பயிற்சியை கற்றுக்கொடுத்து, அவனை நிராகரித்தவர்களுக்கு முன்னால் அவன் தனது திறமையை நிரூபிக்க வேண்டும் என்று போராடுகிறார்.
ஒரு தாயின் போராட்டம், ஒரு சிறுவனின் கனவு, சமூகப் பாகுபாடு ….அபர்ணதிக்கும் சதுரங்க விளையாட்டுக்கும் இருக்கும் எதிர்பாராத தொடர்பையும் வெளிப்படுத்துகிறது. துப்புரவு தொழிலாளியாக இருக்கும் ஒரு பெண் எப்படி சதுரங்க உலகத்துடன் இணைகிறார் என்பதே படத்தின் முக்கியக் களம்.
நாயகி அபர்ணதிக்கு அழுத்தமான கதாபாத்திரம்.. வலுவாக தாங்கி இந்த கேரக்டருக்கு சிறப்பு சேர்த்து இருக்கிறார்.. கணவனை இழந்த ஒரு மனைவி தன் மகனை வளர்க்க எப்படி எல்லாம் சிரமப்படுவார் என்பதை உணர்வுபூர்வமாக நடித்திருக்கிறார்.. மகனுக்காக போராடும் தாயின் வலியை உணரச் செய்திருக்கிறார்.. அபர்ணதியின் கணவராக லிங்கேஷ்.. வில்லனாக சுரேஷ் மேனன், அபர்ணதியின் மகனாக அஸ்வின், தமிழரசி, அன்பு என மற்ற கதாபாத்திரங்கள் அனைத்தும் சிறப்பாக செய்துள்ளனர்….கீழ் சாதி பிரிவினர் விளையாட்டு துறையில் சாதிக்க அவர்கள் போராடும் போராட்ட களமே இந்த கிராண்ட் மாஸ்டர்..!
சதுரங்க போட்டி மட்டுமல்ல விளையாட்டுத்துறையில் இருக்கும் அதிகார மைய பிரச்சனை.. சாதிய பாகுபாடுகள் ஏற்றத்தாழ்வுகள் உள்ளிட்ட பிரச்சினைகளை ‘தி கிராண்ட் மாஸ்டர்’ படத்தின் மூலம் தெளிவு படுத்தி இருக்கிறார் .இயக்குநர் வெற்றி செழியன்.
நம்ம tamilprimenews .com ரேட்டிங் 3.3/5
