அனந்தன் காடு’திரைவிமர்சனம் ரேட்டிங் 3.7/5
‘அனந்தன் காடு’ ஒரு தீவிரமான அரசியல்–கிரைம் திரில்லர் புது அனுபவமாக உருவாகியுள்ள படம்.
இலங்கை உள்நாட்டுப் போர் பின்னணியில் ஆரம்பித்து, கேரளாவின் அரசியல் அதிகார மையம் வரை பரவும் இந்தக் கதை, பல அடுக்குகளில் நகரும் சுவாரஸ்யமான திரைக்கதை அமைப்பைக் கொண்டுள்ளது.
அனந்தபுரி முதல் யாழ்ப்பாணம், திருப்பாச்சி, ராஜஸ்தான் வரை கதை பயணிப்பது படத்திற்கு ஒரு பெரிய பரப்பளவையும் சினிமா ஸ்கேலையும் கொடுக்கிறது.
ஆர்யா தனது மௌனமான, வலி நிரம்பிய போராளி கதாபாத்திரத்தில் மிகுந்த தாக்கத்தை ஏற்படுத்துகிறார். குறைந்த வசனங்களிலேயே அவரது உடல் மொழியும் கண் வெளிப்பாடும் கதையின் உணர்வை வலுப்படுத்துகிறது. ஆக்ஷன் காட்சிகளில் அவரது செயல்திறன் படம் முழுவதும் ஒரு முக்கிய பலமாக திகழ்கிறது.
ஒளிப்பதிவாளர் யுவாவின் காட்சியமைப்பு படத்தின் பரபரப்பை உயர்த்துகிறது. போர்க்கள காட்சிகள் முதல் நகர அரசியல் சூழல் வரை அனைத்தையும் காட்சிப்படுத்தும் விதம் மிக நுணுக்கமானது.
அஜனீஷ் லோக்நாத்தின் பின்னணி இசை கதையின் tension-ஐ தொடர்ந்து உயர்த்தி, திரில்லர் அனுபவத்தை மேலும் வலுப்படுத்துகிறது.
அரசியல் சக்திகள், கூலிப்படைகள் மற்றும் மனித வாழ்க்கை எப்படி ஒன்றோடொன்று பின்னிப் பிணைந்து செயல்படுகிறது என்பதைக் கதை வலுவாக எடுத்துக்காட்டுகிறது. தொடர்ச்சியான திருப்பங்களும், அதிரடி நிகழ்வுகளும் பார்வையாளரை ஈர்த்துக் கொண்டே செல்கின்றன.
மொத்தத்தில், ‘அனந்தன் காடு’ ஒரு பெரிய பரப்பில் சொல்லப்பட்ட விறுவிறுப்பான, தொழில்நுட்ப ரீதியாக வலுவான கிரைம்–ஆக்ஷன் திரில்லர் அனுபவமாக நிறைவு பெறுகிறது.
