TN 2026 தங்க நட்சத்திரம் திரைவிமர்சனம் ரேட்டிங் 3.9/5

TN 2026 தங்க நட்சத்திரம்

நடிப்பு: நட்டி, தம்பி ராமையா, எம் எஸ் பாஸ்கர், இளவரசு, தலைவாசல் விஜய், சிரிட்டா ராவ், சாந்தினி தமிழரசன், யாஷிகா ஆனந்த், ரெடின் கிங்ஸ்லி,

தயாரிப்பு: கண்ணன் ரவி குரூப்ஸ் கண்ணன் ரவி இசை: தர்புகா சிவா ஒளிப்பதிவு : பி. ஜி.முத்தையா இயக்கம்: உமாபதி எஸ் ராமையா பி ஆர் ஓ : சதீஷ் (AIM )

கதை open பண்ணா ….!

பொள்ளாச்சியில் ஜமீன்தாராக இருக்கும் பண்ணையார் மன்றாடியார்(தம்பி ராமையா} எம்ஜிஆரின் தீவிர ரசிகராக இருக்கிறார் ..வட மாநிலத்தை சேர்ந்த நட்டி நட்ராஜ்(குல்கந்த் குமார் ) பிழைப்பை தேடி சென்னை வருகிறார் .அங்கு அறிமுக இயக்குனர் மூலம் முதல் பட வாய்ப்பு கிடைக்கிறது. அவரது முதல் படம் மக்களிடம் நல்ல வரவேற்பு பெறுவதோடு மக்கள் மனதில் அடுத்த எம் ஜி ஆர் என்ற இடத்தையும் பிடித்து விடுகிறார்…

வெளி மாநிலத்திலிருந்து தமிழில் நடிக்க வரும் ஹீரோ குல்கந்த் குமார் வளரும் நிலையில் பலரால் அவமானப்படுத்தப்படுகிறார். பொள்ளாச்சி பகுதியில் நடக்கும் படப்பிடிப்பில் பங்கேற்கும்போது வளர்ந்து வரும் நட்டியை அடுத்த எம் ஜி ஆர் ஆக பார்க்கும் தம்பி ராமையா அவருக்கு தேவையான உதவிகளை செய்து அவரை சினிமாவில் உச்ச நடிகராக கொண்டு வருகிறார்..100 கோடி சம்பளம் வாங்கும் நடிகராக மாறிய பிறகு தனக்கு தொடக்க காலத்தில் ஆதரவு கொடுத்தத தம்பி ராமையாவை எடுபுடி ஆள் போல் வேலை வாங்குவது போல அலற விடுவது நட்டி யின் naughty ..!

200 கோடி ரூபாய் வருமானத்தில் உச்ச நடிகராக இருக்கும் நட்டியை அரசியலுக்கு கொண்டு வருவதற்காக புதிய கட்சி ஒன்றை தம்பி ராமையா தொடங்குகிறார். 2026 ஆம் ஆண்டு நட்டிதான் தமிழக முதல்வர் என்ற நம்பிக்கையை அவர் மனதில் ஏற்படுத்துகிறார்.இதனையடுத்து ஆளும் கட்சியினரால் நட்டிக்கு பல பிரச்சனைகள் வருகிறது. இந்நிலையில் நட்டிக்கு திடீர் என உடல்நிலை பாதிக்கப்பட்டு மருத்துவமனையில் அனுமதிக்கப்படுகிறார். மேல் சிகிச்சைக்காக வெளிநாடு செல்ல வேண்டிய நிலை ஏற்படுகிறது….!இறுதியில் நாயகன் நட்டி முதலமைச்சர் ஆனாரா? அரசியலை விட்டு விலகினாரா? என்பதே ‘‘TN 2026’ படத்தின் தங்க நட்சத்திர கதை …!

குல்கந்து குமார் கதாபாத்திரத்தில் நட்டி நடித்திருக்கிறார். எந்த வேடம் கொடுத்தாலும் அதில் தன்னை பொருத்திக்கொண்டு நடிப்பதில் நட்டி Awesome ஆக்ட்…!

படத்தின் இரண்டாவது ஹீரோ நம்ம தம்பி ராமையா தான் காமெடி நடிப்பைஅள்ளி கொட்டி உள்ளார் மனுஷன்.அரசியல் கதை என்றாலும் சமீப அரசியல் நம் கண் முன் வந்து போவதை தவிர்க்க முடியல …..விஜய் மற்றும் ரஜினி காந்த் ரெண்டு பேரையும் வச்சு செஞ்சுருக்காங்க…!இவர்கள் கூட எம் எஸ் பாஸ்கர், இளவரசு, ரெடின் கிங்ஸ்லி தங்கள் பங்கிற்கு அரசியல் நையாண்டி செய்து கலகலப்புக்கு பஞ்சமில்லாமல் பார்த்து கொள்கிறார்கள் …!ஆனால் படத்தை அவர்கள் ரசிகர்கள் கோப படாமல் அனைவரும் ரசிக்கும் படி நகைசுவை கலந்து கொடுத்துள்ள இயக்குனர் உமாபதி எஸ் ராமையா மற்றும் அவர் குழுவினரை பாராட்டலாம் ..

இந்த படத்தை KRG குழுமம் கண்ணன் ரவி தயாரித்துள்ளார் ..அவர் இது போன்ற சிறு பட்ஜெட் படங்கள் நல்ல கதைகளோடு வரும்போது ஆதரிப்பது ..தமிழ் சினிமாவுக்கு நல்வரவு ..