விஜய் டிவியில் புதிய வடிவில் ‘குக்கு வித் கோமாளி’ சீசன் 7. இது இனி ‘டபுள் ட்ரபுள்” நடுவராக நடிகை ரோஜா

விஜய் டிவியில் புதிய வடிவில் ‘குக்கு வித் கோமாளி’ சீசன் 7. இது இனி ‘டபுள் ட்ரபுள்.  நடுவராக நடிகை ரோஜா!

விஜய் டிவியில் மிகவும் பிரபலமான ஷோ ‘குக்கு வித் கோமாளி.’ வார இறுதி நாட்களில் டிவி ரசிகர்களைக் கட்டிப்போட்டு குதூகலப்படுத்தும் ஷோ இது. பங்கேற்பவர்கள் சமைப்பதும் அந்தப் பண்டங்களை தாமு அண்ட் கோ ருசித்துப் பேசுவதும் கலாட்டாவாக இருக்கும்.

’குக்கு வித் கோமாளி’ ஷோவை புதிய ஃபார்மட்டில் தரப்போகிறது விஜய் டிவி.

‘நல்லாத்தானே போய்க்கிட்டு இருந்துச்சு’ என்று ரசிகர்கள் எண்ணலாம். அதையும் விட நல்லா செய்ய நினைக்கிறது விஜய் டிவி.

இனி இந்த ஷோவில் நடுவராக இணைகிறார் நடிகை ரோஜா. ஆம் செம்பருத்தி ரோஜா. ஆந்திராவின் முன்னாள் எம்எல்ஏ ரோஜா. அவர் தோன்றும் அசத்தல் ப்ரோமோ விஜய் டிவியில் வெளியாகி கலக்கி வருகிறது. அவரும் நடுவராகச் சேர்ந்துவிட்டால் க்ளாமரும், கலாய்த்தலும் சும்மா கலந்து அடிக்கும் என்று ஷோவைப் பற்றி அறிந்தவர்கள் கூறுகிறார்கள்.

’குக்கு வித் கோமாளி’ ஷோவின் வடிவமும் இனி மாறுகிறது. இந்த ஷோவில் இனி தம்பதிகள் கலந்துகொள்வார்கள். அதுதான் ‘டபுள் ட்ரபுள்.’ இனி தம்பதிகள் சமைப்பது, அவர்களுக்குள் போட்டி, அவர்களின் புரிதல் உணர்வு என்று எல்லாமே இதில் கலந்து இருக்குமாம். தம்பதிகள் நன்றாக சமைத்துவிட்டால் அவர்களுக்குப் பரிசு நிச்சயம். ஆனால் அதை எங்கே இந்த நடுவர்கள் விடப் போகிறார்கள். கலாய்த்துத் தள்ளிவிடுவார்கள். டபுளாக வந்துவிட்டாலும் ட்ரபுள் நிச்சயம் என்று தெரிகிறது. இதற்கான ப்ரோமோ மிகவும் க்ளாசிக்கலாக வந்துவிட்டது. அதனால் ஷோ எப்படி இருக்கும் என்ற எதிர்பார்ப்பு ரசிகர்களிடம் எகிறிவிட்டது. சம்யுக்தா-அனிருதா, அரவிந்த் செய்ஜு-சங்கீதா, நிஷா-ரியாஸ், கானா வினோத்-பாக்யா போன்ற ஜோடிகள் இதில் கலந்துகொண்டு பார்ப்பவர் மனதை கொள்ளை கொள்ளும் என்று எதிர்பார்க்கலாம்.

இந்த புதிய வடிவ ஷோவை பாக்ஸ் ஆபிஸ் ஸ்டுடியோ தயாரிக்கிறது. இந்த நிறுவனம் ஸ்டார் விஜய் சேனலுடன் பல ஆண்டுகளாக இணைந்து பணிபுரிந்திருக்கிறது. பாக்ஸ் ஆபிஸ் ஸ்டுடியோ பல தரமான நிகழ்ச்சிகளை விஜய் டிவிக்காகத் தயாரித்து வழங்கியிருக்கிறது.

ஒரு காலத்தில் மிகவும் புகழ் பெற்ற ‘கலக்கப் போவது யாரு’ நிகழ்ச்சியை புத்தம் புதிய வடிவில் அளித்து விஜய் டிவிக்கு புகழ் சேர்த்தது பாக்ஸ் ஆபிஸ் ஸ்டுடியோ.

ஸ்டார் விஜய் சேனலின் பிரபலமான சீரியல்களில் ஒன்றான ‘தென்றல் வந்து என்னைத் தொடும்’ சீரியலை பாக்ஸ் ஆபிஸ் ஸ்டுடியோதான் தயாரித்து வழங்கியது.

திரைப்படத் துறையிலும் பாக்ஸ் ஆபிஸ் ஸ்டுடியோ கால் பதித்திருக்கிறது. நடிகர் யோகி பாபு நடித்த ‘கிணத்தக் காணோம்’ படத்தை இந்த நிறுவனம்தான் தயாரித்திருக்கிறது. இந்தப் படத்தை மறைந்த இயக்குனர் சுரேஷ் சங்கையா இயக்கியிருக்கிறார்.

பாக்ஸ் ஆபிஸ் ஸ்டுடியோ தயாரித்திருக்கும் ‘குக்கு வித் கோமாளி’ சீசன் 7 ஒரு கலாட்டாவான கலவையாக இருக்கும் என்று ரசிகர்கள் நம்பத் தொடங்கிவிட்டார்கள். அதற்கான எதிர்பார்ப்பு எகிறத் தொடங்கிவிட்டது.

ஏப்ரல் 4 முதல், சனி, ஞாயிறு கிழமைகளில் இரவு 930க்கு ‘குக்கு வித் கோமாளி’ சீசன் 7 ஒளிபரப்பப்பட இருக்கிறது.

ரசிகர்களுக்குக் கொண்டாட்டம்தான்.