யூத் திரைவிமர்சனம் ரேட்டிங் 4.2/5

யூத்

நடிப்பு: கென் கருணாஸ், அனிஷ்மா அணில் குமார், மீனாட்சி தினேஷ், பிரியன்ஷி யாதவ், தேவதர்ஷினி, நளினி சுராஜ் வெஞ்சாரமூடு   இசை: ஜிவி பிரகாஷ் குமார்

தயாரிப்பு: கருப்பையா சி ராம் சுலோச்சனா குமார்      ஒளிப்பதிவு: விக்கி         இயக்கம்: கென் கருணாஸ் அண்ட் கேங்           பிஆர்ஓ : பரணி அழகிரி

கதை open பண்ணா ….!

 மிடில் கிளாஸ் அப்பாவாக பேக்கரி நடத்தி வரும் அவர் மனைவி  சுராஜ் தேவதர்ஷினி இருவருக்கும் 5 வருடங்கள் கழித்து பிறந்த மகனாக வருகிறார் கென்.  கென் பத்தாம் வகுப்பு படிக்கும் மாணவன்.ஒரே மகன் என்பதால், அதீத பாசம் வைத்திருக்கிறார் தேவதர்ஷினி. தானும் படிக்காமல் இருப்பதால் தான் கஷ்டப்படுகிறோம், தனது மகனும் அப்படி ஆகிவிடக் கூடாது என்று மகனை பார்க்கும்போதெல்லாம் கண்டிக்கிறார் சுராஜ்.ஆனால், கென் படிக்காமல், பள்ளியில் இருக்கும் தனது சக நண்பர்களுடன் அரட்டை அடிப்பதும், தனது பள்ளி மாணவிகளின் பின்னால் சுற்றுவதுமாய் இருந்து வருகிறார்.

பத்தாம் வகுப்பு தேர்வில் ஒருவழியாக கஷ்டப்பட்டு பாஸ் ஆகிவிடுகிறார்… கென். ப்ளஸ் ஒன் வகுப்பிலும் சேர்கிறார். அங்கு, தனது பக்கத்து வகுப்பில் படிக்கும் மீனாட்சியுடன் நட்பு ஏற்பட, நட்பு காதலாக மாறி விடுகிறது.இந்த காதலைப் பிரிக்க ஒரு சிலர் திட்டம் தீட்டுகின்றனர். அதேசமயம், அதே பள்ளியில் படிக்கும் ப்ரியாஷ்னி யாதவ், கென்னை சுற்றி சுற்றி காதலித்து வருகிறார். இதனால், கென்னுக்கும் மீனாட்சிக்கும் இடையே மோதல் ஏற்பட, அதன்பிறகு மூன்றாவது காதல் உருவாக அதில் அனிஷ்மா  கென்னை நல்வழிக்கு திருப்பும் நாயகியாக பொறுப்பான இடத்தில் பொருத்தமான நடிப்பை தந்திருக்கிறார்.அதிலும் கென்னுக்கு உருவாகும் பிரச்னை பிறகு என்ன நடந்தது காதல் வென்றதா ..? காதல் கல்வி குடும்பம் பாசம் எது வென்றது என்பதே படத்தின் மீதிக் கதை.

சக நண்பர்களுடன் சேர்ந்து அடிக்கும் லூட்டி, காதல் சிலுமிஷம், தந்தையின் பேச்சை கேட்காத பிள்ளை என கென் தனது கதாபாத்திரத்தை வடிவமைத்திருப்பதும் அதை பக்கவாக நடித்து பூர்த்தி செய்திருப்பதும் அவரை ஒரு நல்ல நடிகராக கண் முன் நிறுத்துகிறது. நடன காட்சி, சண்டைக்காட்சியிலும் தேர்ச்சி பெற்றிருப்பது பிளஸ்.கென் காதலிகளாக அனிஷ்மா, மீனாட்சி தினேஷ், பிரியன்ஷி யாதவ் நடித்திருக்கின்றனர். மீனாட்சி, பிரியன்ஷி கிளாமர் நாயகிகளாக வருகின்றனர். இந்த கேங்கில் அந்த குண்டு பெண்ணும், அவரது தோழியும் காதலை பிரிக்கும் வில்லித்தனத்தை காமெடி தெறிக்க செய்திருக்கின்றனர்.

ஹீரோவாக இது முதல் படம் என்பது போல் இல்லாமல், ஒரு அனுபவ நடிகரின் நடிப்பை இப்படத்தில் கொடுத்திருக்கிறார் கென். மேலும், பல இடங்களில் கைதட்டல் கொடுக்கும் நடிப்பைத்தான் கொடுத்திருக்கிறார். அசுரன், உள்ளிட்ட படங்களில் தனக்குக் கிடைத்த அனுபவத்தை இப்படத்தில் நன்றாகவே பயன்படுத்தியிருக்கிறார் கென். படத்தில் ஒரு காட்சி வரும், பிரவீன் உன் சிரிப்பு நல்லா இருக்குடா என்று, உண்மையாகவே கென் சிரிப்பு அவ்வளவு அழகு… ஒவ்வொரு காட்சியையும் நல்லதொரு எண்டர்டெயின்மெண்ட் ஆக கொண்டு சென்றிருக்கிறார்.கடைசி அரை மணி நேர காட்சிகள் படத்தின் உயிர் நாடி என்றே கூறலாம். அழகான கதையை கையில் எடுத்து, இந்த கால தலைமுறைக்கு ஏற்றவாறு அதனை திறம்பட திரைக்கதை அமைத்து, ஒரு முழு விருந்தாக படைத்திருக்கிறார் இயக்குனர் கென் & gang …!

நம்ம tamilprimenews .com ரேட்டிங் 4.2/5