காதல் ரீசெட் ரிப்பீட் திரைவிமர்சனம் ரேட்டிங் 4.1/5

காதல் ரீசெட் ரிப்பீட்

நடிப்பு: மதும் கேஷ், ஜியா சங்கர், அர்ஜுன் அசோகன், எம் எஸ் பாஸ்கர் தயாரிப்பு: சன்னி, டென்வி இசை: ஹாரிஸ் ஜெயராஜ் ஒளிப்பதிவு: அரவிந்த் கிருஷ்ணா

இயக்கம்: விஜய் பி ஆர் ஓ : யுவராஜ்

கதை open பண்ணா ….!

பணக்காரர் ஜெயப்ரகாஷ் மகள் அதிதி (ஜியா சங்கர் )தாயை இழந்த அதிதி அப்பா சித்தியுடன் இல்லாமல் சென்னையில் வாழ்ந்து வருகிறாள் ..இசைக்குழு ஒன்றில் பாடகியாக இருந்து சர்வதேச புகழ் அடைய எண்ணுகிறாள். அந்த இசை குழுவிலிருக்கும் அரிச்சந்திரனை (அர்ஜுன் அசோகன்) காதலிக்கிறார். இதற்கிடையில் அதிதி மீது பத்து வயது முதலே ஆசை வைத்திருக்கிறான் சித்தார்த் (மதும் கேஷ் ). …இசை போட்டியில் கலந்து கொள்ள அதிதி தங்கள் குழுவினருடன் செல்ல முடியாமல் அப்பாவின் விருப்பத்துக்கு மாறாக தனியாக ஸ்காட்லாந்து ஸ்காட்லாந்து புறப்பட்டு செல்கிறாள். பின்னாலேயே மது மகேஷ், செல்கிறான்

தனது தாயாரிடம் இசை கற்க வரும் நாயகி ஜியா சங்கரை தனது பத்து வயதில் இருந்தே கண்காணித்து வரும் மது மகேஷ், தூரத்தில் இருந்து பார்ப்பதையே தன் வாழ்நாள் பாக்கியமாக கருதுகிறார். ஒரு கட்டத்தில் இதுவே காதல் ஆகிறது. அதாவது ஒரு தலைக் காதல் ஆகிறது….

ஜியா சங்கரோ அவரது இசை நண்பர் அர்ஜுன் அசோகனை காதலிக்கிறார். அவர் மூலம் உலக அளவில் சிறந்த பாடகியாக அறியப்பட வேண்டும் என்பது லட்சியமாக இருக்கிறது.

ஆனால் இசை நண்பனின் காதல் பொய்யாகிப் போனதை ஸ்காட்லாந்து நிகழ்ச்சிக்கு முன்னதாக கண்ட அதிர்ச்சி அடைகிறாள் ஜியா சங்கர்…! தன காதலன் தன்னை ஏமாற்றியது மட்டுமல்ல அப்பாவிடம் பேச விடாமல் சித்தி தடுப்பதால் மொத்தமாக மனா சிதைவுக்கு ஆளான ஜியா சங்கர் தற்கொலைக்கு முயன்று மலையில் இருந்து குதிக்கிறார் … மது மகேஷ்,அவளை காப்பாற்றி ms பாஸ்கர் வீட்டில் அடைக்கலம் புகுந்து விடுகின்றனர் இந்த நிலையில் ஜியா சங்கர் மறதி நோயால் பாதிக்கப்படுகிறார். தூங்கி எழுந்தால் முந்தைய நாளில் நடந்த அனைத்தையும் மறந்து விடுவார். இதனால், தான் யார் என்று தெரியாமல் ஒவ்வொரு நாளும் தவிக்கும் அவரிடம், காதலனாக அறிமுகமாகிறார் மதுமகேஷ்.
அவரது இந்த பொய், ஜியா சங்கரின் வாழ்க்கையில் எத்தகைய மாற்றங்களை ஏற்படுத்துகிறது? இதற்கிடையில் பழைய காதலனும் இந்த காதல் களத்தில் இறங்குகிறான். முடிவு என்ன ஆகிறது என்பதை சொல்வதே இந்த ‘காதல் ரீசெட் ரிப்பீட்’.

மனதில் காதல் இருந்தாலும், அதை வெளிக்காட்டாமல் ஏக்கத்தோடு பயணிக்கும் கதாபாத்திரத்திற்கு கச்சிதமாக பொருந்தியிருக்கிறார் நாயகன் மதுமகேஷ். இறுக்கமான முகம், அளந்து பேசும் வார்த்தை, நடவடிக்கைகளில் பொறுமை என்று அந்த கேரக்டரை முழுமையாக உள்வாங்கி நடித்து இருக்கிறார்….நாயகியாக நடித்திருக்கும் அறிமுக நடிகை ஜியா சங்கர், அழகு நடிப்பு இரண்டிலும் ஒரு சேர கவர்கிறார். தமிழ் சினிமாவுக்கு புது நல்வரவு.

மறதி நோயால் தான் யார் என்பதையே மறந்து போகும் அந்த பதட்ட நிமிடங்களை இயல்பான நடிப்பால் நமக்குள் அற்புதமாக கடத்தி விடுகிறார். குறிப்பாக கிளைமாக்ஸ் சில் இவர் நடிப்பு வேறு லெவல். இன்னொரு நாயகனான அர்ஜுன் அசோகனுக்கு முக்கியமான கதாபாத்திரம். காதலியின் குடும்ப பின்னணி தெரிந்த பிறகு காதலை புதுப்பிக்க அவர் போராடும் காட்சிகள் அனைத்தும் அருமை …1 நாயகனுக்கு துணை நிற்கும் கேரக்டரில் வரும் எம்.எஸ்.பாஸ்கர், தன் அனுபவ நடிப்பின் மூலம் அந்த கேரக்டரை தாங்கிப் பிடிக்கிறார். முக்கிய கேரக்டரில் விஜி சந்திரசேகர், நாயகியின் தந்தையாக ஜெயப்பிரகாஷ் ஆகியோரின் நடிப்பும் நன்று.

AL விஜய் இயக்கத்தில் இந்த “காதல் ரீசெட் ரிப்பீட்” படம் இன்றய இளையதலைமுறை ரசித்து பார்க்கும் வகையில் இசை பின்னணியில் படத்தின் திரைக்கதை வடிவமைத்து காட்சிகளை கண்ணுக்கு இதமாக ஸ்காட்லாந்து நகரில் படம்பிடித்த ஒளிப்பதிவாளர் ..பாடல்கள் மற்றும் பின்னணி இசை ஹாரிஸ் ஜெயராஜ் …நீண்ட நாட்களுக்கு பின் காதுகளுக்கு இதமான இசை …superb….! ஆக மொத்த பட குழுவினர் அனைவர்க்கும் வாழ்த்துக்கள்…!