தேரே இஷ்க் மைய்ன் திரை விமர்சனம் ரேட்டிங் 3.9/5

படம்: தேரே இஷ்க் மைய்ன்

நடிப்பு: தனுஷ், கிருத்திசனூன், பிரியென்ஷு பெயின்யூலிபm, பிரகாஷ்ராஜ், புஷ்பராக் ராய் சவுத்ரி, பரம்வீர் சிங் சீமா

தயாரிப்பு: பூஷன் குமார், கிருஷ்ணன் குமார், ஆனந்த் எல் ராய், ஹிமான் ஷு வர்மா   இசை: ஏ ஆர் ரகுமான்  ஒளிப்பதிவு: துஷார் காந்தி ராய்

இயக்கம்: ஆனந்த் எல் ராய்    பி ஆர் ஓ: ரியாஸ் அஹமத், பாரஸ் ரியாஸ்

கதை ஓபன் பண்ணா…!

இந்திய விமானப்படையின் மிகத் தேர்ந்த விமானியான ஷங்கர் (தனுஷ்) கட்டுக்கடங்காத கோபமும் யாருக்கும் அடங்காத குணமும் கொண்டவராக இருக்கிறார். அப்படியானவருக்கு மன ரீதியான ஆலோசனை வழங்குவதற்கு உயர் அதிகாரி உத்தரவிடுகிறார். அதற்காக, சிறந்த மனநல நிபுணருக்கு ஷங்கர் குறித்த விவரங்கள் அடங்கிய ரகசிய கோப்பு அனுப்பப்படுகிறது. அதைப் பார்க்கும் அந்த மருத்துவரான முக்தி (க்ரித்தி சனோன்) அவசர அவரசமாக ஷங்கரைக் காணச் செல்கிறார். அங்கு இருவருக்கும் ஏதோ ஒரு தொடர்பு இருப்பது தெரிய வருகிறது.அப்போது பிளாஷ்பேக் காட்சிகள் விரிவடைகிறது .“கல்லூரியில் படிக்கும் தனுஷ்” “மருத்துவத்தில் ஃபைனல் படிக்கும் கீர்த்தி சனோன் இருவருக்கும் ஏற்படும் அன்பு, அறிமுக காட்சிகளாக விரிகிறது….!

நண்பர்களுடன் சேர்ந்து அடாவடித்தனம் செய்யும் சங்கர் (தனுஷ்) யாருக்கும் கட்டுப்படாமல் இஷ்டம் போல் நடக்கிறார். அவரை முக்தி (கிருத்தி சனுன்) சந்தித்து “உன்னை நான் நல்லவனாக மாற்றுகிறேன். அதை வைத்து நான் டாக்டர் பட்டம் பெறுவேன் அதற்கு உதவ வேண்டும்” என்று கேட்கிறார். ” நீ” எனக்கு கேர்ள் பிரண்டாக இருந்தால் அதற்கு சம்மதிக்கிறேன்” என்கிறான் சங்கர். ” எந்த நேரத்திலும் உன்னை நான் காதலிக்க மாட்டேன் கேர்ள் ஃபிரண்ட் ஆக மட்டுமே இருப்பேன்” என்று வாக்குறுதி கொடுத்து சங்கரை சம்மதிக்க வைக்கிறாள் முக்தி. வருட கணக்கில் இவர்கள் சந்திப்பு நடக்கும் நிலையில் சங்கருக்கு முக்தி மீது தீராத காதல் ஏற்படுகிறது. ஆனால் சங்கர் மீது முக்திக்கு காதல் எதுவும் இல்லை. ஒரு கட்டத்தில் தன் காதலை முக்தியிடம் சங்கர் சொல்ல அதற்கு அவள் நிபந்தனை விதிக்கிறாள். அந்த நிபந்தனையை சங்கர் பூர்த்தி செய்தானா? இவர்களின் காதல் எங்கு போய் முடிகிறது..என்பதற்கு உருக்கமான பதிலை அளிக்கிறது கிளைமாக்ஸ்….!

தனுஷ் காதலிக்கத் துவங்கும் காலகட்டத்தில் வன்முறையான கல்லூரி இளைஞனாகவும் விமானப்படை வீரரான பின் அனுபவிக்கும் காதல் வலிகளிலும் முதிர்ச்சியான நடிப்பை வழங்கியிருக்கிறார்.“என்னடி மீனாட்சி சொன்னது என்னாச்சு”இன்று நாயகி வீட்டுக்குச் சென்று பாட்டில் வெடிகுண்டு வீசும் பொழுதும்,
காதலி தன்னை பெண் கேட்டு வரச் சொல்லி விட்டாள் என்று பிரகாஷ்ராஜ் நண்பனுடன் ஆட்டம் போடும் பொழுதும்,நாயகி” வா ஒன்றாக இருக்கலாம்”
என்று அழைக்கும் பொழுது மறுத்துவிட்டு ஜென்டில்மேனாக வரும் பொழுதும்,பிரகாஷ்ராஜ் இறந்த பிறகு கங்கையில் சென்று அடக்கம் செய்யும் பொழுது ஒரு வெறுத்துப் பார்வையில் மொத்த நடிப்பையும் கொட்டி இருக்கும் பொழுதும்,ஏர்போர்ஸில் சேர்ந்த பிறகு நாட்டுக்காக உழைக்க உயிரையே கொடுக்க துணியும் பொழுதும் தான்” ஒரு நடிப்பு அரக்கன்” என்பதை பறை சாற்றி இருக்கிறார் .

இவரும் கிரித்தி சனோனும் முதன்முறையாகச் சந்திக்கும் காட்சியில் கண்கலங்க தன் முன்னாள் காதலியைப் பார்க்கும்போது தனுஷின் நடிப்புத் திறன் முகத்திலேயே வெளிப்படுகிறது.க்ரித்தி சனோனுக்கு கண்டிப்பாக பெயர் சொல்லும் படமாகவே இது இருக்கும். காதலைப் புறக்கணிக்கும் காட்சிகளிலும், அதை சுமக்கும் காட்சிகளிலும், உணர்வுப்பூர்வமாக நடித்திருக்கிறார். மனவலியால் சிகரெட் புகைப்பதும், குடியை நாடுவதுமாக ஒருகட்டத்தில் க்ரித்தியின் கண்ணீர், இக்கதைக்கு சிறந்த பங்களிப்பையே செய்கிறது.கிளைமாக்ஸ் காட்சி தன் குழந்தையைக் காண தனுஷ் இருக்க வேண்டும் என்று அவர் கையெழுத்து போட மறுப்பதும் தாய்மை ஸ்தானத்தில் தவிப்பதும் என சிறந்த நடிப்பை வழங்கி இருக்கிறார்..

படத்துக்கு இன்னொரு பலம் இசைப்புயல் ஏ ஆர் ரஹ்மான் இசை…!  ஒளிப்பதிவு அற்புதமாக இருக்கிறது அந்த கங்கை காட்சிகள்  கண்ணுக்குள் ரம்யமாக நிற்கிறது.
கல்லூரி கலவரம் கிளைமாக்ஸ் ஏர்போர்ஸ் காட்சிகள் மிரட்டல் ..!

ஒரு பெண் நினைத்தால் எப்படிப்பட்ட கெட்டவனையும் நல்வழிப்படுத்தி நல்லவனாக மாற்ற முடியும் அதற்குள் காதல் நுழைந்தால் என்ன ஆகும் நீண்ட நாட்களுக்கு பிறகு கண்ணீருடன் காதல் கதை …!

நம்ம tamilprimenews.com ரேட்டிங் 3.9/5