டெட்பூல் அன்ட் வோல்வரின் திரை விமர்சனம்!

இயக்கம்: ஷான் லெவி
நடிகர்கள்: ரியான் ரெனால்ட்ஸ், ஹியூ ஜேக்மன் இசை: ராப் சைமன்சன்

தன்னுடைய உலகம் அழிவதை கூட கண்டுக்கொள்ளாத டெட்பூல் தனக்குப் பிடித்த நவகிரக நண்பர்கள் சேர்ந்து அழிவதை தடுக்க நினைக்கிறார். மார்வெலின் ஆண்டவரே நான் தான் என நினைத்துக் கொண்டு சுற்றும் டெட்பூலுக்கு ஒரு கட்டத்தில் வோல்வரின் தான் ரியல் காப்பான் என தெரிய வர, செத்துக் கிடக்கும் ஸ்டீல் எலும்புக் கூடு வோல்வரினில் இருந்து பல்வேறு வோல்வரின் வேரியண்ட்டுகளை தேடி அலைந்து ஒன்றுக்கும் உதவாத குடிகார வோல்வரினை கண்டுபிடிக்கிறார். மஞ்சள் நிற சூப்பர் ஹீரோ சூட்டில் செம மாஸாக வரும் வோல்வரின் டெட்பூலின் லட்சியத்திற்கு உதவினாரா? இல்லையா? என்பது தான் இந்த படத்தின் கதை.

. டெட்பூலின் வாயை திறந்தாலே காதுகளில் தேன் வந்து பாய்கிறது என்பது போல முக்கிய உறுப்பை வைத்து அடித்துள்ள ஏ ஜோக்ஸ் டெட்பூல் வேரியண்டுகளுடன் அதிகமாகவே படத்தில் நிரம்பி வழிகிறது. ஆனால், அதே சமயம் ஒவ்வொரு ஜோக்கிற்கும் தியேட்டரே விழுந்து சிரிக்கும் அளவுக்கு அதை புத்திசாலித்தனமாக கையாண்டு இருக்கும் விதமும் தமிழ் டப்பிங் டீமுக்கும் தனி அப்ளாஸை கொடுத்து விடலாம். அடுத்து மார்வெல் ஆபாசக் காட்சிகளை வைக்காமல் இருந்தால் சரி.

வோல்வரின் மற்றும் டெட்பூல் நடித்தால் அவர்கள் இருவருக்கும் இடையே சண்டை வரமால் இருந்தால் எப்படி பாஸ் என ரசிகர்கள் கேட்கும் அளவுக்கு எல்லாம் வெயிட் பண்ணவில்லை. ஒவ்வொரு வேரியண்டும் டெட்பூலை நொங்கெடுத்து அனுப்பும் காட்சிகளே ஆக்‌ஷன் அதகளம் தான். அதே போல அந்த மஞ்சள் சூட் போட்டுக் கொண்டு மாஸ் காட்டும் வோல்வரினும் காருக்குள் வைத்து டெட்பூலை குமுறு கஞ்சி காய்த்து விடுகிறார்.

ரியான் ரெனால்ட்ஸ் மற்றும் ஹியூ ஜேக்மனின் கெமிஸ்ட்ரி இந்த படத்தில் கச்சிதமாக வொர்க்கவுட் ஆகியிருக்கிறது. ஆக்‌ஷன் காட்சிகள், செட் வொர்க், பிஜிஎம், சிஜி வொர்க் என அனைத்துமே டாப் நாட்ச் லெவல் என்றே சொல்லலாம். குறிப்பாக படத்தின் ஹைலைட்டே காமெடி டயலாக்குகள் தான். ரியான் ரெனால்ட்ஸ் பெயரும் ரைட்டர் பெயரில் இடம்பெற்றிருப்பதால், மார்வெல், டிசி, 20த் செஞ்சுரி ஃபாக்ஸ் என விஜய் டிவி சம்பளம் கொடுக்கல என செல்ஃப் ட்ரோல் செய்வது போல இங்கேயும் செல்ஃப் ட்ரோல் காமெடிகள் நல்லாவே வொர்க்கவுட் ஆகியிருக்கிறது. அந்த குக் வித் கோமாளி காமெடியும் ரகளை தான்