ஃப்ளாக் திரைவிமர்சனம் ரேட்டிங் 3.1/5

ஃப்ளாக் FLAG

நடிப்பு: தீஹான், மிக்கி மக்கி ஜா & அபினவ் கோசாமி, அனந்த், பப்புஷா            தயாரிப்பு: வைரப்பிரகாஷ்       இசை: ராஜா ரவிவர்மா, பாலசுப்ரமணியம்

ஒளிப்பதிவு: எஸ் பி பொன் சங்கர்        இயக்கம்:எஸ் பி பொன் சங்கர்      பி ஆர் ஓ : எம் பி ஆனந்த்

கதை ஓபன் பண்ணா….!

பெற்றோரை இழந்த சிறுவன் திஹான்.. இவன் தாத்தாவின் பராமரிப்பில் வளர்ந்து வருகிறான் ..தாத்தா இந்திய தேசியக் கொடி தயாரிக்கும் காதிகிராம கேந்திரத்தில் வேலை பார்க்கிறார். அவரின் நீண்ட நாள் கனவு டில்லியிலுள்ள இந்தியா கேட்டில் ஜனாதிபதி தேசியக் கொடி ஏற்றுவதை பார்க்க வேண்டும் என்பதுதான். ஆனால் அவர் திடீரென உடல்நிலை பாதிக்கப்பட்டு மருத்துவமனையில் சேர்க்கப்படுகிறார்.

அதனால் தாத்தாவின் ஆசையை நிறைவேற்ற டில்லி இந்தியா கேட்டில் ஜனாதிபதி ஏற்றவிருக்கும் தேசியக் கொடி ஏற்றத்தை பார்க்க பெங்களூரிலிருந்து ரயிலில் டில்லிக்கு புறப்படுகிறான். ஆனால் வழிதவறி கேரளாவுக்கு வந்து விடுகிறான். அதன்பிறகு மொழி பிரச்சனையால் இந்தியாவின் பல மாநிலங்களுக்கு செல்ல நேரிடுகிறது…வட கிழக்கு மற்றும் காஷ்மீர் வரை சென்று கடைசியாக டில்லிக்கு வருகிறான். ஆனால் சிறுவன் திஹானை, தீவிரவாதிகளுக்கு தகவல் சொல்லும் கும்பலை செர்ந்தவன் என்று மத்திய உளவுத்துறையினர் சந்தேகித்து அவனை கைது செய்கிறார்கள். முடிவில் ஜனாதிபதி தேசியக் கொடி ஏற்றப்படுப்படுவதை நேரில் பார்த்தானா? இல்லையா? இதற்கிடையில் அவன் சந்திக்கும் சம்பவங்கள் என்ன? என்பதை ஒரு பயண கதையாக சொல்கிறது ஃப்ளாக்.

காஷ்மீர் முதல் கன்னியாகுமரிவரையுள்ள அனைத்து இன மக்களும் “நாம் இந்தியர்” என்ற ஒரே குடையின்கீழ் சகோரதத்துடன் வாழ வேண்டும் என்பதை இப்படத்தின் மூலம் சொல்லியிருக்கிறார் இயக்குநர்…சிறுவனுடன் ஒரு சூழலில் இணையும் அந்த பெண் நல்ல நடிப்பை வெளிப்படுத்தி உள்ளார் ..நான் அனைத்து மொழிகளையும் கற்றுக் கொள்ள ஆசைப்படுகிறேன் என்று சிறுவன் திஹான் சொல்லும் வசனம் பார்வையாளர்களை கைத்தட்ட வைக்கிறது. இப்படத்தைப் பார்த்து விட்டு வெளியேவரும் அனைவரின் மனதிலும் நாம் இந்தியர்கள் என்ற எண்ணம் மேலோங்கி இருக்கும் என்பது நிச்சயம் .

இந்த FLAG படத்தின் ஒளிப்பதிவாளர் இயக்குனர் என இரண்டு பொறுப்புகளை எடுத்து இருக்கிறார் பொன் சங்கர்.. ..இரண்டையும் திறம்பட அழகாக செய்து இருக்கிறார்.. காஷ்மீர் முதல் கன்னியாகுமரி வரை இந்தியாவின் கலாச்சாரம் அழகியலை தேசப்பற்றுடன் விளக்கி இருக்கிறார்..மொத்தத்தில் அச்சிறுவனின் நடிப்புக்காகவும் ,தேசபற்றிற்காகவும் இந்த FLAG கொடியை ரசிக்கலாம்..

நம்ம tamilprimenews .com ரேட்டிங் 3.1/5