பிளாக் கோல்ட் திரைவிமர்சனம் ரேட்டிங் 3.5/5

பிளாக் கோல்ட்

நடிப்பு: வெற்றி, பிரியாலயா, லிவிங்ஸ்டன், அபிராமி வெங்கடாசலம், ஏ வெங்கடேஷ், ராமர், அரோல் டி சங்கர், சபிதா ராய்

தயாரிப்பு: எம் மூர்த்தி இசை: கவாஸ்கர் அவினாஷ் ஒளிப்பதிவு: சந்தோஷ்குமார் வீராசாமி இயக்கம்: தீரன் அருண்குமார் பி ஆர் ஓ: AIM சதீஷ்

கதை ஓபன் பண்ணா….!

நாயகன் வெற்றி.. இவர் ஒரு கார் சர்வீஸ் சென்டரில் வேலை செய்கிறார்.. இவரது அப்பா லிவிங்ஸ்டன் அடாவடித்தனம் செய்யும் ஏ.வெங்கடேசனிடம் லாரி ஓட்டுநராக வேலை பார்க்கிறார்..வெற்றியின் அம்மா துளசி மற்றும் தங்கை ஆகியோருடன் வசித்து வருகிறார்.. இவரது காதலி பிரியாலயா…

லிவிங்ஸ்டன். ஏ,வெங்கடேசனின் பலகோடி ரூபாய் மதிப்புள்ள சரக்கை லாரியில் ஏற்றிக் கொண்டு லிவிங்ஸ்டன் வரும்போது அந்த சரக்கு லா ரியுடன் லிவிங்ஸ்டன் காணாமல் போய்விடுகிறார். அவரை கண்டுபிடித்து தரும்படி காவல்த்துறையில் ஏ.வெங்கடேசன் புகாரளிக்கிறார். அவரைத் தேடும் முயற்சியில் ஒரு பக்கம் போலீஸ் அபிராமி தேடிக் கொண்டிருந்தாலும் அப்பாவை தேடும் மகனாக வெற்றி பயணிக்கிறார். வேரொரு கோணத்தில் அவரின் மகன் வெற்றியும் தேடுகிறார். காணாமல் போன அந்த பலகோடி ரூபாய் மதிப்புள்ள சரக்கு எது? காணாமல் போன லிவிங்ஸ்டன் என்ன ஆனார்? என்பதுதான் கதை.

அப்போது இவருக்கு திடுக்கிடும் பிளாக் கோல்ட் பற்றிய தகவல்கள் கிடைக்கிறது.. அப்படி என்ன கிடைத்தது.? என்பதெல்லாம் சுவாரசியமான திரில்லர் கதை.பிளாக் கோல்ட் என்பது தங்கத்தையோ, நிலக்கரியையோ குறிப்பதல்ல தலை முடியை குறிப்பது. திருப்பதிக்கு சென்று மொட்டைபோட்டுக்கொள்ளும் பக்தர்கள் முடியை காணிக்கையாக தருகின்றனர் அந்த முடி எங்கே போய் சேர்கிறது என்பது பலருக்கு புரியாத புதிராக இருந்த விஷயம் ஆனால் அந்த காணிக்கை முடிக்கு பின்னால் சர்வதேச அளவில் கோடிக்கணக்கான ரூபாய் மதிப்புள்ள வியாபாரம் இருக்கிறது என்பதை பட்டவர்த்தனமாக போட்டுடைத்திருக்கிறார் இயக்குனர் தீரன் அருண்குமார்.

வழக்கமான சீரியஸ் பார்முலாவில் பயணிக்கிறார் நாயகன் வெற்றி.. குடும்பத்திற்காக ரிஸ்க் எடுப்பதும் அப்பாவை தேடி அலைவதும் என அனுதாபத்தை அள்ளிக் கொள்கிறார் வெற்றி.. நாயகி ப்ரியாலயா மற்றும் போலீஸ் அபிராமி உள்ளிட்டார் நடிப்பிலும் அழகிலும் கவர்கின்றனர்.. லிவிங்ஸ்டன் & துளசி உள்ளிட்ட அனுபவ நடிப்பில் சிறப்பு..

மொத்தத்தில் பிளாக் கோல்ட் படம்..பெண்களின் தலை மயிருக்காக நடக்கும் கோடி கணக்கில் நடக்கும் வியாபாரம் பற்றிய அறியப்படாத உண்மைகளை வெளி கொண்டு வந்த இயக்குனரை பாராட்டலாம் ..திரைக் கதையில் ஒரு ம..ம் இல்லை என்று யாரும் சொல்ல முடியாத படி தலை மயிர் ப்ளாக்கோல்ட் என்பதை இந்த க்ரைம் திரில்லர் கதையை சொல்லி தலைமயிருக்கு மரியாதையை கூட்டி உள்ளார் இயக்குனர் ..blackgold பட குழுவினர் அனைவர்க்கும் வாழ்த்துக்கள் ..!