ஜான் டோ திரைவிமர்சனம் ரேட்டிங் 3.4/5

ஜான் டோ

நடிப்பு: அர்ஜுன் தாஸ், சஞ்சனா நடராஜன், சிருஷ்டி, ஜாரா வினித் சந்தோக், நீரவ்   தயாரிப்பு: அர்கா மீடியா ஒர்க்ஸ் ஷோபு யர்லகட்ட, பிரசாத் தேவினேனி

இசை: முஜீப் மஜீத்         ஒளிப்பதிவு: பிரீத்தா ஜெயராமன்        இயக்கம்: மதுமிதா      பிஆர்ஓ :: யுவராஜ்

கதை ஓபன் பண்ணா….!

ஒரு விபத்தில் தன கணவனை பறிகொடுத்த சாரா துபாயிலிருந்து தனது மகள் லக்கி மற்றும் மகன் ஹிருதய்யுடன் வந்து தங்குகிறார். மகன் ஹ்ருதை புத்திசாலி குழந்தை ..அனால் அம்மாவுடன் மகளுக்கு எப்போதும் சண்டை கரணம் அம்மா அவள் அப்பாவின் இரண்டாம் மனைவி …ஒருநாள் தம்பியை அழைத்துக் கொண்டு லக்கி ஐஸ்கிரீம் கடைக்கு செல்கிறார். அந்த இடத்தில் அவரது தம்பி காணாமல் போகிறான். எங்கு தேடியும் கிடைக்காத நிலையில் போலீசில் தாயும் மகளும் புகார் செய்கின்றனர். போலீஸ் வழக்கு பதிவு செய்து சிறுவனை தேட ஆரம்பிக்கிறது.

இதுஒரு புறம் இருக்க தமிழகத்தின் கேரளா எல்லையில் உள்ள ஏரியில் ஒரு கார் விபத்துக்குள்ளாகிறது.. அந்த காரில் இருந்த ஒரு சிறுவன் சடலம் மீட்கப்படுகிறது..அது விபத்து அல்ல ஒரு கொலை என்பதை கண்டுபிடிக்கிறார் உதவி ஆய்வாளராக கேரள போலீஸ் அர்ஜுன் தாஸ்.. இதுகுறித்த புலன்விசாரணையில் அர்ஜூன்தாஸ் இறங்குகிறார். அதற்கான காரணத்தை கண்டுபிடிப்பதற்குள் தமிழகத்தில் வேறு ஒரு சிறுவன் மாயமாகிறான்.. இதனால் தமிழகத்திற்கு வருகிறார் அர்ஜுன் தாஸ்..

ஆனால் இங்குள்ள போலீஸ் சஞ்சனாவிற்கும் இவருக்கும் ஈகோ  பிரச்சினை முற்றுகிறது.. இரண்டு கொலைகளுக்கும் தொடர்பு இருப்பதை அறிகிறார் அர்ஜுன் தாஸ்..ஒரு கட்டத்தில் சஞ்சனா அர்ஜுன் தாஸ் இருவரும் இணைந்து விசாரணையை நடத்துகிறார்கள் ..இதற்கிடையில் காணாமல்போன சிறுவன் நீராவ் வீட்டுக்கு வந்துவிடுகிறான்.  அப்படியானல் மற்ற சிறுவர்களளை கடத்தியது யார்? கொலையாளி யார்? அந்த மர்மத்தின் பின்னணி என்ன? இந்த சிறுவனுக்கும் காணாமல் போன சிறுவனுக்கும் என்ன சம்மந்தம் என்பது தான் அதிர்ச்சி தரும் கிளைமாக்ஸ் …! இந்த இன்வெஸ்டிகேஷன் திரில்லர் ஜான் டோ.

  போலீஸ் அதிகாரி கதாபாத்திரத்துக்கு தனது கம்பீரமான குரலாலும், உடல்மொழியாலும் வலு சேர்த்திருக்கிறார் அர்ஜூன் தாஸ்.சஞ்சனா நடராஜனும் காவல்துறை அதிகாரியாக கச்சிதமாகப் பொருந்தியிருக்கிறார். சாராவாக வரும் நடிகையின் இயல்பான நடிப்பு கதாபாத்திரத்தின் மனநிலையை உணரச் செய்கிறது.நீரவ், சிருஷ்டி, அனுபமா குமார், அர்ச்சனா, கார்த்திக் குமார், படவா கோபி என மற்ற கதாபாத்திரங்களில் நடித்தவர்களும் தங்களது பங்களிப்பை சிறப்பாக வழங்கியுள்ளனர்..

அடையாளம் தெரியாத சடலம், காணாமல் போகும் சிறுவர்கள், நினைவுகளை இழக்கும் குழந்தை என ஒன்றுக்கொன்று தொடர்பில்லாதவை போலத் தோன்றும் சம்பவங்களை ஒரே கதைக்குள் இணைத்திருப்பது இயக்குனரின் சுவாரஸ்யமான முயற்சி. குறிப்பாக, சிறுவர்கள் மாயமானதன் பின்னணியில் வரும் திருப்பங்கள் எதிர்பார்ப்பை ஏற்படுத்துகின்றன..

சிறுவர்கள் காணாமல் போகும் சம்பவங்களுக்குப் பின்னால் இருக்கும் மர்ம முடிச்சுகளும், எதிர்பாராத திருப்பங்களும் படத்தை ரசிக்க வைக்கின்றன.. ஒரு சைக்கோ திரில்லர் கதையை பல படங்களில் பார்த்திருந்தாலும் இதில் பரபரப்பான  திரைக்கதையை அமைத்து ரசிகர்களுக்கு ஒரு திரில்லர் அனுபவத்தை கொடுத்திருக்கிறார் இயக்குனர் மதுமிதா.

நம்ம tamilprimenews .com ரேட்டிங் 3.4/5