டிரோன்ஸ் – திரை விமர்சனம்

படம் :ட்ரோன்ஸ்

கதை open பண்ணா…!

கல்லூரியில் இருந்து இடைநீக்கம் செய்யப்படும் டிராவிட் செல்வம் உள்ளிட்ட மாணவர்கள், பெற்றோருக்குத் தெரியாமல் தங்குவதற்காக அறிவியல் ஆராய்ச்சிக் கூடத்துக்குச் செல்கின்றனர். அங்கு அழகிய இளம்பெண்ணான சித்தி இத்னானியைச் சந்திக்கும் டிராவிட் செல்வம், அவர் மீது காதல் கொள்கிறார். ஆனால், சூனியக்காரியான அவரது பாட்டி தேவதர்ஷினியால் பல சிக்கல்கள் ஏற்படுகின்றன. அந்தப் பெண்ணின் அழகுக்குப் பின்னால் இருக்கும் மர்மம் என்ன என்பதே படத்தின் கதை.

சித்தி இத்னானி அழகிலும் நடிப்பிலும் கவனம் ஈர்க்கிறார். நிறப் பாகுபாடு குறித்த கருத்தை அஞ்சலி நாயர் தனது நடிப்பால் அழுத்தமாகப் பதிவு செய்கிறார். டிராவிட் செல்வம் நகைச்சுவையில் ரசிக்க வைக்கிறார். தேவதர்ஷினி தனது அனுபவமிக்க நடிப்பால் கதாபாத்திரத்துக்கு வலு சேர்க்கிறார். சினிமாவாலா சதீஷும் சிறப்பாக நடித்துள்ளார்.

ஜெயந்த் சேதுமாதவனின் ஒளிப்பதிவு சிறப்பு. ஹரி எஸ்.ஆரின் பாடல்கள் ஓரளவு ரசிக்க வைக்கின்றன. பின்னணி இசை காட்சிகளுக்கு வலு சேர்க்கிறது.

இயக்குநர் ஆர். ராகவ் மிர்தாத், அறிவியல் பின்னணியில் நகைச்சுவையுடன் கற்பனைக் கதையைச் சொல்லியிருப்பதோடு, நிறப் பாகுபாடு குறித்த சமூகச் சிந்தனையையும் இணைத்துள்ளார். முதல் பாதி மெதுவாக நகர்ந்தாலும், இரண்டாம் பாதியில் வரும் திருப்பங்களும் நகைச்சுவையும் படத்தை ரசிக்க வைக்கின்றன.

நம்ம tamilprimenews ரேட்டிங் 3.4/5