சர்தார் 2 திரைவிமர்சனம் ரேட்டிங் 3.4/5

சர்தார் 2

நடிப்பு: கார்த்தி , எஸ் ஜே சூர்யா, மாளவிகா மோகனன், ஆஷிகா ரங்கநாத், ரஜீஷா விஜயன், முனீஸ்காந்த், நாசர், ஜீன் பால் லால், ஆஷிஷ் வித்யார்த்தி, யோகி பாபு, அச்சுத் குமார், அவிநாசி, பாபு ஆண்டனி, பாலாஜி சக்திவேல்

தயாரிப்பு: எஸ் லஷ்மண குமார், இஷான் சக்சேனா இசை: சாம் சி எஸ் ஒளிப்பதிவு : ஜார்ஜ் சி வில்லியம்ஸ் இயக்கம்: பி எஸ் மித்ரன் பிஆர்ஓ : சதீஷ் S2 media

கதை ஓபன் பண்ணா….!

கார்த்திக், தந்தையும் மகனுமாக இரட்டை வேடத்தில் நடித்திரருக்கிறார். சீனா நாட்டு சக்திகள் மீண்டும் தொற்றுநோயை பரப்புவதற்காக பயோ கெமிக்கல் எனப்படும் கிருமி தொற்றுக்களை மீண்டும் பரவ வைத்து தாக்குவதற்கான கருவிகளையும் அனுப்புகின்றனர். அதனை கைப்பற்றுவதற்காக சர்வதேச கூலிப்படை தலைவன் எஸ்.ஜே சூர்யா திட்டமிட்டு காய் நகர்த்துகிறார். அவர் கையில் அந்த பயோ கெமிக்கல் கிடைத்தால் இந்தியாவில் அதனை பரவச் செய்து மக்களை கொல்ல திட்டமிடுகிறார்.

அந்த திட்டத்தை முறியடிக்க இந்திய ரகசிய உளத்துறை அதிகாரிகளான சர்தார் தந்தையும் மகனுமாக நடித்திருக்கும் கார்த்தி களமிறங்குகிறார்கள். எஸ்.ஜே.சூர்யாவின் திட்டத்தை கார்த்தி முறியடித்தார்களா? என்பதுதான் படத்தின் மீதிக்கதை.

அப்பா கேரக்டர் சர்தார் மற்றும் மகன் கேரக்டர் ரா ஏஜென்ட் விஜய பிரகாஷ்.. என இரண்டு கேரக்டரிலும் பாடி லாங்குவேஜ் மாற்றி கேரக்டரை வேறுபடுத்தி காட்டி இருக்கிறார் கார்த்தி..வில்லனாக நடித்திருக்கும் எஸ்.ஜே.சூர்யா படத்துக்குப்படம் மெருகேறி வருகிறார். அவரின் உடல்மொழி பார்வையாளர்களை ரசிக்கவும் சிரிக்கவும் வைக்கிறது.ஆஷிகா ரங்கநாத் தனது நடிப்பு ரசிகர்களுக்கு ஆறுதலாக இருக்கிறது…!

படம் ஆரம்பம் முதல் இறுதிவரை அதிரடிக் காட்சிகளாகவே விறுவிறுப்புடன் செல்கிறது. சர்தார் கார்த்தி என்ட்ரிக்கு பிறகு படத்தில் ஆக்சன் களைகட்டுகிறது. முதல் பாகம் வெளியான கதைக்கு முன்பு என்ன நடந்தது என்பதையும் அதற்குப் பின்னர் என்ன நடக்கிறது என்பதை திரைக்கதையில் அமைத்திருக்கிறார் இயக்குனர் பி எஸ் மித்திரன்.

ஒளிப்பதிவாளர் ஜார்ஜ் சி வில்லியம் கடினமாக உழைத்திருக்கிறார். படத்துக்கு உயிர் கொடுத்திருபவர் இசையமைப்பாளர் சாம் சி.எஸ்.தான். பரபரப்பான காட்சிகள் படத்துக்கு பலம் என்றாலும் முதல் பாகத்தில் பிளாஸ்டிக் பாட்டில்களால் ஏற்புடும் தீமைகளை எடுத்துச் சொன்ன இயக்குநர் பி.எஸ்.மித்ரன், இந்த இரண்டாம் பாகத்தில் பிராய்லர் கோழிக்கறியை சாப்பிடுவதால் ஏற்படும் பக்கவிளைவுகளை எடுத்துச் சொல்லி மக்களுக்கு விழிப்புணர்வை ஏற்படுத்தி இருக்கிறார். ஆனால் பேச்சு கொஞ்சம் ஓவர் டோஸ் …படத்தின் நீ ….ளத்தை எடிட் செய்தால் இன்னும் சுவாரஸ்யமாக இருந்திருக்கும் ….!