‘ONE MAN’ திரைவிமர்சனம் ரேட்டிங் 2.7/5

‘ONE MAN’

‘வெங்காயம்’, ‘பயாஸ்கோப்’ ஆகிய படங்களை இயக்கி, தயாரித்து, நடித்து, பிரபலமான பன்முகத் திறன் கொண்ட படைப்பாளியாகத் திகழும் சங்ககிரி ராஜ்குமார், கதையின் நாயகனாகவும் பல்வேறு கதாபாத்திரங்களிலும் நடித்திருக்கும் ‘ONE MAN’

படத்தில் கேமராவிற்கு முன்வரும் ஆட்கள் எல்லோரும் அவர் ஒருவரே.. படத்தில் கேமராவிற்கு பின்னால் இருக்கும் அனைத்து தொழில்நுட்ப கலைஞர்களும் அவர் ஒருவரே!சங்ககிரி ராஜ்குமாருக்கு ஒரு படத்தை உருவாக்க ரூ.70 லட்சம் போதுமானது. இந்தப் பட்ஜெட்டில் தமிழ் சினிமாவில் நல்லதொரு படத்தை எடுக்க முடியும் என்பதை ராஜ்குமார் நிரூபித்திருக்கிறார்..!

கதை ஓபன் பண்ணா….!

வெவ்வேறு திறமைகள் உள்ள நான்கு இளைஞர்கள் தங்களுக்கு வழங்கவுள்ள விருதுகளை வாங்கச் செல்கிறார்கள். அது கொரோனா கிருமி தொற்று அறிவிக்கப்பட்ட காலம். அதை பொருட்படுத்தாமல் விருது வாங்க செல்லும் வழியில் சில பல தடைகள் ஏற்பட்டு ஒரு முக்கியமான ஆய்வுக் கூடத்துக்கு சென்று விடுகிறார்கள். அங்கு அவர்கள் செய்யும் ஒரு காரியத்தால், உலகில் அனைவரும் மறைந்து விடுகிறார்கள். இதன் தீர்வு என்ன? என்பதே படத்தின் கதை…!

நடிகராக அனைத்து கதாபாத்திரத்தில் வரும் சங்கரகிரி ராஜ்குமார் சிறப்பான நடிப்பைக் கொடுத்துள்ளார். ஒவ்வொரு கதாபாத்திரத்துக்குமான வித்தியாசத்தை அரிதாரப்பூச்சில் மட்டுமில்லாது உடல் மொழியாலும் தன் தனித்துவ நடிப்பைக் காட்டி அசத்தியுள்ளார். அமெரிக்கா காட்சிகள் மற்றும் விரைவாக செல்லும் ரயில்காட்சிகள் திரில்லிங் சண்டை காட்சிகள் புதுமையாக அதேநேரம் ஒரிஜினலுக்கு மிக அருகில் படத்தை இயக்கியுள்ளார் ..!

ஒரு திரைப்படத்துக்கு தேவையான அனைத்து வேலைகளையும் ராஜ்குமார் யாருடைய உதவியுமின்றி தனி ஒரு மனிதனாக ஒரு முழுப்படத்தையும் வெளியாக்கியுள்ளார். திரைக்கதை இன்னும் பரபரப்பை ஏற்படுத்தி இருக்கலாம். இருந்தாலும் இப்படி ஒரேயொருவர் எல்லாவற்றையும் செய்ய முடியுமா? என்ற வியப்பு படம் முடியும் வரை நமக்குள் எழுந்துகொண்டே இருக்கிறது …!

climax படம் முடியும் போது நல்ல கருத்தோடு முடிக்கிறார் …!