ரேகை (வெப் சீரிஸ்) திரை விமர்சனம் rating 3.7/5

படம்: ரேகை (வெப் சீரிஸ்)

நடிப்பு: பாலஹாசன், பவித்ரா ஜனனி, போபலன் பிரகதேஷ், வினோதினி வைத்யநாதன், ஸ்ரீராம் எம், அஞ்சலி ராவ், இந்திரஜித். இ..

தயாரிப்பு: எஸ் சிங்காரவேலன் (எஸ் எஸ் குரூப்)   கதை: ராஜேஷ் குமார  இயக்கம்: தினகரன். எம்.  OTT ரிலீஸ்: ZEE5 ஒரிஜினல்  பி ஆர் ஓ: சதீஷ் (AIM)

கதை ஓபன் பண்ணா…!

இந்த  படத்தில்  கதைப்படி உதவி ஆய்வாளர் பாலஹாசன் மற்றும் பெண் காவலர் பவித்ரா ஜனனி ஒரு மரணத்தை பற்றி விசாரிக்க செல்கிறார்கள். ஆனால் அந்த மரணம் விபத்தல்ல, அதன் பின்னணியில் ஏதோ இருக்கிறது என சந்தேகிக்கிறார்கள். அப்படி சாதாரணமாக விசாரிக்க துவங்கும் அந்த குற்றச் சம்பவம் அடுத்தடுத்த சில மரணங்களால் மிக தீவிரமான விசாரணையாக மாறுகிறது. விபத்து என்பது மாறி கொலை என்பதை கண்டறிகிறார்கள். ஐஸ் டிரக் ஓட்டுநர் ஓட்டிக்கொண்டிருக்கும்போது ஏற்பட்ட விபத்தில் இறந்துவிடுகிறார். ஆனால், ஐஸ்க்கட்டிகளுக்குள் வெற்றி ஒரு துண்டிக்கப்பட்ட கையை கண்டுபிடிக்கிறார்.
அங்கேயிருந்து தொடங்கும் வெற்றியின் தேடல், மருத்துவ பரிசோதனைகள், இரகசிய வலைப்பின்னல்கள், பயமுறுத்தும் உண்மைகள் ஆகியவற்றின் சுழலில் அவரை இழுத்துக்கொள்கிறது. ஒவ்வொரு தேடலும் அதன் பதிலும் இன்னும் மூர்க்கமான கதவுகளைத் திறக்க, வேட்டையாடுபவர் – வேட்டையாடப்படுபவர் என்ற கோடு, கொஞ்சம் கொஞ்சமாக மறையத் தொடங்குகிறது. மார்ச்சு வரியில் நடக்கும் சில முறைகேடுகள் தெரிய வருகிறது. அதற்கு காரணமானவர்களை ஹீரோ தேடும்போது மெடிக்கல் கிரைம் தெரிய வருகிறது. அதை தீவிரமாக விசாரிக்கும்போது இன்னும் பல திடுக்கிடும் தகவல்கள் தெரிய வருகின்றன. பல திருப்பங்கள் நிகழ்கின்றன. இப்படிப்பட்ட மெடிக்கல் முறைகேடுகள் நடக்குமா ?என்று பதறும் ஹீரோ வெற்றி, அதற்கு காரணமான வில்லனை தேடுகிறார். அடுத்து என்ன நடக்கிறது என்ற விறுவிறு திரைக்கதையில், இதுவரை யாரும் சொல்லாத, ஒரு விஷயத்தை கையில் எடுத்து ஒரு சமூக பிரச்னையையும் பேசியிருக்கிறார் இயக்குனர் தினகரன்.

இந்த திரைப்படம் ஜீ5 இணையதளத்தில் 7 பாகங்களாக ஒளிப்பரப்ப படுகிறது. நாயகனாக பாலஹாசன். காவல்த்துறை ஆய்வாளருக்கு கச்சிதமாக பொருந்தியிருக்கிறார். வழக்கை விசாரிப்பது, அதன் மர்ம முடிச்சுகளை அவிழ்ப்பது, சண்டைக்காட்சிகளில் அசத்துவது என இந்த கதைக்களத்துக்கு ஏற்ற நடிப்பை வழங்கியுள்ளார். பவித்ரா ஜனனி துப்பறிவு காவலராக இயல்பாக நடித்து அசத்தியிருக்கிறார்.  வினோதினி வைத்யநாதன் இதுவரை நடித்திராத ஒரு கதாபாத்திரத்தில் நம்மை ஆச்சர்யப்படுத்துகிறார். அஞ்சலி ராவ் ஒரு முக்கியமான எதிர்மறை கதாபாத்திரத்தில் ரசிக்க வைக்கிறார். ராஜ் பிரதாப்பின் இசை படத்திற்கு பக்கபலமாக அமைந்திருக்கிறது. மகேந்திரா ஹென்றி ஒளிப்பதிவில் தென்காசியின் குறுகலான இடங்கள், மருத்துவமனை, காவல் நிலையம் என அத்தனை இடங்களுக்குள்ளும் புகுந்து அமர்க்களப்படுத்தியிருக்கிறது. துரை படத்தொகுப்பு ஏழு பாகங்களின்  தேவையான விஷயங்களை அழகாக சொல்லி கதையின் ஓட்டத்தை சிறப்பாக்கி இருக்கிறது. இம்த கதை ஒரு மர்மம், மருத்க்துவ குற்றச்செயல் என்பதையும் தாண்டி சாதாரண மக்களின் வாழ்க்கை எவ்வாறு பெரிய சக்திகளிடம் சிக்கிக் கொள்ளுகிறது என்பதையும் அழகாக சொல்லியிருக்கிறார் இயக்குநர் தினகரன். ஒரு பாகத்தை பார்த்த்து முடித்ததும் அடுத்த பாகத்தை ஆவலுடன் எதிபார்க்க வைக்க்றது.சஸ்பென்ஸ் திரில்லர் நாவல் ரசிகர்களுக்கு மிகுந்த ஆவலை தூண்டி உள்ளது ஜீ 5 வெப் சீரிஸ் “ரேகை “…!

நம்ம tamilprime news.com rating 3.7/5