“ப்ரைடே” திரைவிமர்சனம் ரேட்டிங் 3.5/5

படம் “ப்ரைடே”.

நடிப்பு: மைம் கோபி, கே.ஒய்.தீனா, அனிஷ் மாசிலாமணி,,ராமச்சந்திர துரைராஜ், கலையரசன், சித்ராசேனன், சித்து குமரேசன் தயாரிப்பு:அனிஷ் மாசிலாமணி

இயக்கம் :ஹரி வெங்கடேஷ்

.

கதை ஓபன் பண்ணா…!

அந்த காலத்தில் ஒரு பழமொழி ஒன்று… கத்தியை எடுத்தவன் கத்தியால் தான் சாவான் ….அந்த ஒன் லைன் எடுத்துக்கிட்டு இந்த கதையை அழகா வடிவமைத்துள்ளார்கள் .. குமரி மாவட்ட பின்னணியில் அதுவும் குளச்சல் கடற்கரை  பகுதியை மையமாகக் கொண்டு நடக்கிற கதை இது …மைம் கோபி கூலிப்படை வைத்துக்கொண்டு தாராளமாக அதிரடி தடாலடி என வலம் வருபவர். தனக்குப் பணியாதவர்கள் எதிரிகள் என யாராயிருந்தாலும் தனது ஆட்களை அனுப்பி காலி பண்ணி விடுவார்.   அதே நேரம் அரசியலிலும் முக்கிய புள்ளியாக இருக்கிறார். வரும் தேர்தலில் தனது கட்சி சார்பில் போட்டியிட்டு எம்எல்ஏ ஆக வேண்டும் என்பது அவரது லட்சியமாக இருக்கிறது. இதனால் கட்சி எம் எல் ஏ வேட்பாளராக தேர்ந்தெடுத்த ஒருவரை இவரே ஆள் வைத்து போட்டுத் தள்ளுகிறார்.
அவரது நம்பிக்கைக்குரிய அடியாள் தான் கதையின் நாயகன்.   நேர்மையான போலீசாக இருந்த தன் தந்தையை கொன்றவனை சிறுவயதிலேயே போட்டு தள்ளியவன், அதற்குப் பிறகு எடுத்த கத்தியை கீழே போட முடியாமல் மைம் கோபியிடம் அடியாளாக சேர்கிறார்..தனது வாழ்க்கை தான் வெட்டுகுத்து என்று திசை மாறிவிட்டது. தன் ஒரே தம்பியாவது நல்ல வேலை மனைவி குடும்பம் என்று நிம்மதி வாழ்க்கை வாழ ஆசைப்படுகிறார்.

இந்நிலையில் தான் புதிதாக திருமணம் செய்து கொண்ட தம்பிக்கும் அண்ணனைப் போல் அடிதடி தொழிலில் சாதிக்க வேண்டும் என ஆசை வருகிறது. அதனால் அண்ணனுக்கே தெரியாமல் மைம் கோபியின் அடியாள் கூட்டத்தில் தம்பியும் ஒருவனாகிறான்…இந்நிலையில்தான் மைம் கோபியின் அரசியல் எதிரியை கொல்லப்போகும் பட்டியலில் நாயகனின் தம்பியும் இணைந்து கொள்கிறான். அந்த மோதலில் அரசியல் புள்ளியோடு சேர்ந்து இவனும்  பலியாகிறான்.தம்பியின் இழப்புக்கு அண்ணன் எடுத்த முடிவு என்ன? மைம் கோபி  தாதா சாம்ராஜ்யம் முடிவுக்கு வந்ததா…? இந்த ரவுடி கும்பலை பற்றி விசாரிக்க வரும் போலீஸ் அதிகாரி பெண் போலீஸ் அதிகாரி பின்பு நடக்கும் ட்விஸ்ட் என்ன…? என்பதை …துப்பாக்கி அருவாள் வெட்டு என்று  ரத்த வெள்ளத்தில் மொத்த கதையும் முடித்துள்ளார்கள் ..!

நாயகன் அனீஸ் மாசிலாமணி அந்த பாசமிகு அண்ணன் கேரக்டரில் ஜொலிக்கிறார். ஆவேசமாய் அரிவாள் தூக்கும் இடங்களில் பயமுறுத்துகிறார்.
அறிமுக நாயகன் போல் இல்லாமல்  யதார்த்த நடிப்பில் மனதில் பதிகிறார். அவரது தம்பியாக வருபவரும் நடிப்பில் தேறுகிறார்.படத்தின் திருப்புமுனை கேரக்டரில் வரும் தீனா,தாயைக் கொன்றவனை பழிவாங்கத் துடிக்கும் கேரக்டரில் கன கச்சித நடிப்பை வழங்கி இருக்கிறார்.  தாதா கேரக்டரில்  மைம் கோபி சாலப்பொருத்தம்.மைம் கோபி தன்னுடைய எதிராளியை தீர்த்து கிட்ட வெளியில் இருந்து ஒரு நபர் இறக்குகிறார் அவர்கள் போடும் ஸ்கெட்ச் அதை அவர்கள் நடைமுறைப்படுத்தும் விதம் பரபரப்பாகவும் விறுவிறுப்பாகவும் இருந்திருக்க வேண்டும் அதற்கு பின்னணி இசை ஒத்துழைப்பு தந்திருக்க வேண்டும் பின்னணி இசையில் இன்னும் கவனம் செலுத்தி இருக்கலாம் ஏனென்றால் அந்த காட்சி அவ்வளவு அருமையான முக்கியமான காட்சி படத்தில் அங்கங்கே ஏற்படும் தொய்வுகளை தவிர்க்க முயற்சி செய்திருக்கலாம் ஆனாலும் படத்தில் நடித்தவர்கள் தங்களுக்கு கொடுத்த கதாபாத்திரத்தை நிறைவாக செய்துள்ளார்கள் அதற்காக அவர்களை பாராட்டலாம் ஃப்ரைடே என்கிற இந்த கதையை எழுதி இயக்கி  இருக்கிற ஹரி வெங்கடேஷ் மற்றும் அவருடைய டீம் அனைவருக்கும் பாராட்டுக்கள்.…!

நம்ம தமிழ் பிரைம் நியூஸ் டாட் காம் ரேட்டிங் 3.5/5